KellyChu - 外傭擅自洩僱主資料借貸 私隱專員鍾麗玲自爆曾「中招」 | Executive日記
更新時間：02:00 2026-08-27 HKT
發佈時間：02:00 2026-08-27 HKT
發佈時間：02:00 2026-08-27 HKT
字體大小
個人資料私隱專員公署揭發，有外傭未經僱主同意，擅自將僱主嘅姓名、電話號碼及住址交畀財務公司，以證明其受僱地點或直接將僱主列為「諮詢人」。受害僱主被蒙在鼓裏，直到收到追債訊息或電話，事件才「水落石出」。私隱專員鍾麗玲「自爆」自己多年前亦曾「中招」，所幸佢發現及時，外傭亦順利還款，事件得以平息。佢透露當時佢仍未上任私隱專員，指問題已存在多年。
據悉，有僱主收到寄給外傭嘅不明信件，寫有類似「God bless you」嘅祝福字句，但實為財務公司向外傭核實住址嘅伎倆。鍾麗玲直言「我自己都收過」，當時收到一封寫有類似「祝你好運」字句嘅信件，當場質問外傭發生咩事，從而揭發事件；但不幸中之大幸，外傭借貸金額不多，並最終順利還款。
鍾指，僱主一旦遇上相關情況，可以主動聯絡政府相關部門，未來審批該外傭嘅工作簽證申請時，能將外傭嘅不良紀錄納入考量；當合約終止後，僱主亦可到入境處取得該外傭嘅離職證明，並將其副本交給相關財務公司，證明該外傭已非在此住址及為其工作，要求對方停止追數。
KellyChu
