Cally - HomeSquare「香港家居折2026」正式開鑼斥資800萬元搶攻新世代業主消費潮 | 商界講呢啲

更新時間：02:00 2026-07-21 HKT
發佈時間：02:00 2026-07-21 HKT

　　AI科技除咗重塑零售及家居消費模式外，亦為家居設計帶來革新。全港最大一站式家居主題商場HomeSquare今年斥資800萬元舉辦年度旗艦推廣企劃「香港家居折2026」，更首次同商戶合作引入AI家居設計，帶嚟線上線下融合體驗，協助消費者更有效規劃理想家居。

　　「香港家居折2026」由即日起至8月14日舉行，場內超過110個國際及本地家具品牌，推出超過80,000件家具、家品及家電優惠，當中更包括低至$1、$100及1折嘅限量產品。HomeSquare同時亦深化同at.home嘅合作，推出「AI智能家居設計」服務，透過AI技術協助消費者預視家居布局及風格配搭，提升規劃及選購效率。配合「5大連環消費賞」，從設計規劃、家具選購到配送布置，全面支援顧客需要，打造更便利及高效嘅一站式家居體驗。

　　新鴻基地產代理有限公司租務部副總經理許嘉雯表示：「年輕業主及新婚家庭喺規劃新居時，唔再單純關注價格優惠，而係更重視空間運用、設計配搭及購物過程嘅效率與便利性。迎合 AI 科技嘅新趨勢，HomeSquare 今年以『Smart Buy、Smart Design、Smart Living』為核心，由選購、設計到配送安裝全面升級購物體驗，希望透過科技協助缺乏家居規劃經驗的首置年輕業主，更有效掌握空間布局、家具選擇、整體風格及預算分配，為年輕家庭規劃理想居所嘅一站式平台。預計可以帶動7月至8月嘅人流及營業額錄得雙位數增長。」