家長谷瘋傳！5大「奇葩」家長問題 「4點放學，但我接唔到點算？」
更新時間：12:00 2026-09-13 HKT
發佈時間：12:00 2026-09-13 HKT
發佈時間：12:00 2026-09-13 HKT
字體大小
開學季除了小朋友要適應，一眾「家長谷」亦熱鬧非常，近期網上瘋傳各種群組內的家長「奇葩」提問，引來熱烈討論。「Oh! 爸媽」編輯部亦收到不少讀者投稿，歸納出以下5大類型「問題」！
「奇葩」家長問題1：校園Dress Code
有家長一本正經發問：「學校係唔係都要着皮鞋同運動鞋？」家長A向本網爆料的同時，亦忍不住調侃：「難道你想小朋友穿人字拖、踩Roller還是高踭鞋返學？」這絕對是每年開學最不解之謎。
「請問星期六返學校，穿校服係咪一定要配皮鞋？」穿校服配皮鞋本是整體校服的標準，家長A又忍不住反問：「難道星期六的校服會自帶魔法，需要配搭沙灘鞋才能順利步入校門？」
（示意圖片， Shutterstock）
「奇葩」家長問題2：接放學難題
「阿仔4點放學，但我真係接唔到，點算？」
面對這種「無語問蒼天」的求救，群組內的家長只能在螢幕前苦笑，心想：「難道你想大家幫你夾錢請保母，還是指望班主任陪阿仔食晚飯？」
AI生成示意圖
「奇葩」家長問題3：尋找註冊編號
「點解我搵唔到小朋友註冊編號既？可以喺邊度搵？」
每逢開學，總有家長連自己孩子的資料都找不到，彷彿在玩解謎遊戲，而答案通常就明晃晃地印在入學申請表上。
「奇葩」家長問題4：色彩大師上身
「學生相是不是必須要藍色背景？因為我發現原來好多款藍色。」
家長C表示，這位家長的嚴謹程度堪比「色彩大師」：「只要出來的效果不是阿凡達的藍，學校通常都會大方收貨的，切勿過度憂慮。」
「奇葩」家長問題5：「阿媽係女人」級發問
「聽日視藝堂使唔使帶視藝袋？」
這個問題就如同問「聽日食飯使唔使帶飯盒」一樣，完美展示了家長在深夜幫孩子執書包時，大腦已經徹底「Hang機」、靈魂出竅的真實寫照。
AI生成示意圖
面對這群緊張又迷糊的新手父母，雖然提問令人啼笑皆非，但也看得出大家為了子女開學費盡心思，壓力大到幾乎失去常識。各位爸爸媽媽在群組發出求救訊號前，不妨先深呼吸喝口水，免得一不小心成為全網熱話。你所在的家長谷，又出現過甚麼驚為天人的奇葩問題呢？
最Hit
