出門完美 • 入屋黑面 屋企有「雙面人」到底點相處? 壞脾氣奉旨留畀家人 網民:得罪至親冇成本|Juicy叮

更新時間:13:00 2026-11-22 HKT
發佈時間:13:00 2026-11-22 HKT

「外頭高EQ(情緒智商)、性格接近完美,入屋卻一秒變臉、極度刻薄」,至親是這種「雙面人」確實令人心寒。大批深有共鳴的網民「大義滅親」,力數雙面至親的偽善惡行,並點出「得罪自己人零成本」的真相。詳情見下圖及下文:

出門完美 • 入屋黑面 屋企有「雙面人」到底點相處? 壞脾氣奉旨留畀家人 網民:得罪至親冇成本逐張睇↓↓↓↓

外頭性格完美 入屋冷暴力面黑三日

樓主早前在社交平台 Threads 發帖,詢問有沒有人的屋企人是「雙面人」,並列出兩大極端特徵:

「對住街外人就好 nice(友善) EQ勁高,樂於助人,咩都冇所謂,對人勁包容,性格接近完美。」

「但一行入屋企大門後,立即變成另一個人,勁 mean(刻薄),一句唔啱聽就黑面/冷暴力三日,玻璃心到極致,除咗自己,全世界都係衰人,永遠自己都係畀人恰,係受害者。」

樓主求教大家到底該如何相處,隨後更驚訝留言指竟然有百幾個 likes(讚好),笑言「睇嚟香港真係好多雙面人」。

網民力數雙面人惡行:出面鵪鶉屋企做大爺

貼文引來網民大爆身邊雙面親人的偽善行徑,直指這種人在屋內外判若兩人。

有網民透露:「只會恰屋企人,喺屋企做大爺,出到去就笑笑口同人打招呼,唔該前唔該後。」有網民更痛心表示,家中的「雙面人」在外面和在家裏的嘴臉對比強烈:「對住出邊啲人呢就非常之好好禮貌,成個鵪鶉咁。喺屋企呢就拮住晒,大聲鬧屋企人。」

除了脾氣暴躁,對外大方、對內刻薄也令家人深感痛苦。有網民苦訴:「我屋企有一個對外邊人大方,對身邊人孤寒庹縮斤斤計較。外人眼中好好先生好爸爸,對外邊嘅人疏爽,對身邊嘅人就苛刻。」

網民揭穿殘酷真相:得罪自己人最冇成本

面對這種雙面性格,網民點破指這純粹是功利主義作怪,因為得罪屋企人的成本太低。有網民直言:「好多呢啲人的,社會動物嘛。呢種人好抵好著數,得罪自己人冇成本,討好出面人就多著數,真係有脾氣咪收埋返屋企發。只係自己做唔出咁解。」

也有「雙面人」網民現身說法,直言這只是釋放壓力的途徑:「唔好話屋企人,我自己都係雙面人,返屋企先可以做返自己。」樓主看後則回覆,回家確實是「除低面具」,但指出對方在外面忍氣吞聲、回家發脾氣,只是因為「佢知屋企人會原諒佢」。

網民獻終極相處大法

至於如何應對這類雙面至親,網民直接開出終極藥方,指唯一相處方法就係唔相處,並指應視乎對方身份來決定相處防線。

若是配偶,要學習善意溝通和心理學,裝備自己以懂得相處和應對;若是子女,18 歲之前要努力學習、教養和改變他,成為一個更好的人,但 18 歲之後很難再改變,最好請他自己獨立。

若是父母,由於沒辦法改變,所以只可以學習如何應對;若是其他親朋戚友,直接絕交就得,完全不用花精神和時間成本去應付。

資料來源:dragon.13864528@Threads

相關閱讀:

滿分女外傭驚爆雙面生活 偷著男僱主衣服「做一事」 苦主崩潰想炒 老婆竟反常護航?