陪月變廚師煮飯優先 收工遺碗碟油淋淋爛攤子 過來人揭更極品個案:開「這條件」煮豉油雞|Juicy叮

更新時間:15:38 2026-11-22 HKT
發佈時間:15:38 2026-11-22 HKT

有新手港媽近日在網上大呻,聘請的陪月員煮飯優先,一日僅餵一至兩次奶兼替BB沖涼,其餘時間長霸廚房,收工更遺下碗碟油淋淋的爛攤子。

帖文引來過來人加碼爆料,指曾遇同款極品陪月,對方竟開出「這條件」才肯煮豉油雞,令坐月慘變受氣月。詳情見下圖及下文:

陪月變廚師煮飯優先 收工遺碗碟油淋淋爛攤子 過來人揭更極品個案:開「這條件」煮豉油雞逐張睇↓↓↓↓

煮飯優先 廚房奶樽油淋淋

樓主前天(20日)在社交平台Threads發帖指,其陪月員「煮飯優先」且主力留廚房,一日照顧 BB 的實際時間僅得「餵到 BB 1-2次奶,沖涼,其他時間喺廚房」。

樓主續指,這名陪月更頻頻抱怨「如果有工人(外傭)會多啲時間照顧 BB」,甚至老公在家、BB 大哭時,會要求先生「湊住先,佢煮埋啲嘢」。

衛生問題更是重中之重。樓主指,這名陪月做完一日嘢,「廚房周圍都係食材、油,洗完啲奶樽都仲有油、奶漬,碗櫃嘅碗係有食物漬」。

樓主在回應欄直言,老公已是神隊友,無奈陪月用完廚房「成地成櫃都油淋淋,食物殘渣黏到牆身、雪櫃門都有,話洗咗幾次嘅奶樽摸上手仲係油」,導致他們晚晚要重新洗過。對方反而自誇做事快手,能準時收工不用 OT(加班),「試過得閒到執定第二日嘅食材都無視啲衛生問題」。

樓主在帖文提問「其實都唔知同陪月嘅分工係點,佢嘅職責係處理邊部分」。

網民多角度交鋒:手得一對 VS 衞生是底線

網民意見兩極。支持陪月的網民認為職責應是 Both(兩者皆是),但人手與時間有限,確實需要取捨:「手得一對,優先次序你話事」、「其實陪月時間係咁多,你要取捨睇下想要佢湊 BB 定煮飯,無完美」,指出如果陪月要包辦一日三餐兼洗碗,確實無時間湊 BB。有人更認為清潔並非陪月本職,知道屋企無工人都接,算係咁。

不過,也有網民認為該陪月心態有問題:「真,成日講到覺得自己做咗好多,做埋人哋嗰份,自己好蝕底咁。」樓主也留言,餐具與嬰兒衞生是基本底線:「洗奶樽、食飯嘅器具係咪應該要洗?但仲有油漬同食物漬都放落櫃,我諗唔會個個陪月都係咁啩。」

過來人:坐月兩個月無食過豉油雞

留言區有過來人加碼爆料,指家中無外傭,請了同款陪月兩個月,對方同樣整天匿廚房,BB 換片才出來,沖涼換片技巧也只示範一次要求錄影完事。當被問到能否換菜式時,對方竟回答:「睇吓你同個女乖唔乖啦,你哋乖我先有時間做下豉油雞之類。」

結果,這位過來人坐月兩個月都無食過豉油雞。陪月每天急忙走,留下湯煲與 BB 衫未洗,令其外母洗到黑面。

過來人曾就這位倍月的表現請教其他行內人,對方踢爆是個人專業能力不足:「只能夠講,嗰個陪月手腳慢,咁咪做唔切嗰啲洗嘢嘅工作囉。」

網民曬神級陪月與極品對比

不少網民指出好陪月大有人在,並分享神仙級體驗。有媽媽指當時無外傭,陪月一日煮足5餐加夜宵,BB 全程貼身照顧,還有時間幫產婦浸腳同按胸。

亦有媽媽大讚自己的陪月煮飯、洗碗、洗奶樽兼照顧 BB 做到晒,做嘢整齊企理,「嚟第一日之後個廚房,仲乾淨過我哋本身」。

但一個聘有外傭的家庭,卻遇到另一「極品」。有聘請24小時陪月的僱主大爆,付高達6萬元月薪聘請對方兩個月,對方手腳極慢,晚餐竟只煮兩碟普通小菜,還辯稱「好多家庭都係兩餸一湯」。

最誇張的是,該陪月買餸返家後嫌重,竟致電命令外傭落樓幫忙提餸,令僱主怒不可遏當場解僱。

有過來人建議正確分工,指陪月初期先教外傭掌握煲薑水、炒米茶等日常 routine(常規流程),待外傭上手後放手讓外傭負責餐飲,陪月則主力貼身照顧 BB,互相補位。

資料來源:tomatobb.diary@Threads

相關閱讀:

陪月員誤將酒精當生理鹽水 女嬰眼角膜燒傷恐失明

中學老師呻陪月買餸貴 兩口子一日兩餐半月$4000 餐餐「仲有呢味菜」 網民反批其實算平

「$68000喎,師兄!」 天價24小時陪月犯低級錯誤 煲湯出事嚇壞網民:覺得係智商稅