燥底港男ATM大喝阻路大叔 竟意外踢爆騙局成救命恩人 網民：壞心做好事！｜Juicy叮
發佈時間：08:02 2026-11-10 HKT
一名港男在櫃員機（ATM）排隊提款時，因不滿前方大叔「阻住地球轉」，忍不住大聲呼喝對方，怎料一句無心插柳的氣話，竟意外撞破一宗正在進行中的網上買賣騙案，令他瞬間由「燥底街坊」變成「救命恩人」。
撳機阻路引爆燥底魂 一句氣話意外點醒夢中人
涉事男子在Facebook發帖講述事件，樓主日前趕時間去ATM提款，準備「返去比錢老母」，怎料排在前面的一名男子卻遲遲未完成操作。樓主在帖文中憶述，當時「見到個年齡同我相約嘅阿叔，拎住個電話開cam，影ATM 介面比對方睇」。在後面苦等良久的樓主見狀終於按捺不住怒火，「我等到唔耐煩，係後面大大聲喝佢：騙案嚟架，行開比我用啦。」
本以為只是一場街頭日常的口角，誰知劇情卻迎來神級反轉，樓主事後得知，該名大叔當時並不是在用手機提款QR Code，而是開著「Facetime」視像通話，並一步步跌入「近排成日有個啲Facebook Marketplace騙案」的圈套之中。
樓主表示，「原來條友真係比人老點緊用信用卡透支過錢比人」，而在樓主一聲怒喝並即場向對方解釋騙案原理後，大叔終於如夢初醒，保住血汗錢，「條友事後係咁多謝我......」
面對大叔的千恩萬謝，無辜變成英雄的樓主卻在網上哭笑不得地大吐苦水，強調自己「動機真係不純」，更搞笑地立誓：「我發誓我從來冇諗過救人，我真係純粹心情唔好等到憫......」
網民激讚「一個好衰嘅好人」 戲稱：大雄一腳踢出技安粒糖
帖文引起大批網民熱烈迴響，這宗「被迫做好事」的奇遇讓一眾留言充滿歡樂氣氛，不少網民將樓主封為另類英雄，笑稱這是典型的「人地好心做壞事，你係唔好心做好事」、「一個好衰嘅好人」，更有網民精闢總結為「Ｘ伯破騙案，有得Ｘ又做好事」，直言大叔「好彩係阻著你」，因為「比個阿叔遇到你個咁冇耐性嘅同齡人，算電話對面嗰個唔好彩」。
有網民將整個過程比喻為經典卡通場面：「好似大雄大力踢技安一下，點知踢左哽親佢嘅果粒糖出嚟，技安少有地多謝大雄！」有網民亦大讚這種另類行善方式「勝過星期六買一佰次旗」，紛紛留言為樓主「功德+1」、「錯手積咗福」，甚至惡搞改編俗語，笑指樓主此舉「勝做三級陳豪」。與此同時，有幽默的網民提出黑色幽默的思考，指樓主「救左個阿叔，但KK園又多一人要被電」，獲樓主搞笑反問：「呢啲係咪叫零和遊戲？」甚至有人腦補後續電影感劇情，笑言會否「原來你同個騙徒係一伙，阿叔多謝你，你獲取佢信任後，引佢俾錢你」，樓主亦立即打趣回應：「君子愛財，取之有道...」
錯字與年紀意外成焦點：「大家都係叔啫！」
除了破案過程峰迴路轉，樓主在帖文中那句「個年齡同我相約嘅阿叔」，亦意外成為網民「錯重點」的狙擊目標。有眼利網民立即化身中文老師糾正錯別字，指出「正式係寫『相若』；你無心插柳幫咗人，都算係做咗善事」。
更多網民則是對樓主的自我定位感到爆笑，紛紛調侃道：「個重點係阿叔，年齡相若」、「唔講呢句以為阿叔六七十」、「你形容你自己係呀叔？？」。面對大家對其年齡的好奇與質疑，樓主在留言區大方承認自己約40歲左右，並霸氣反問：「咁仲唔叔？」引來一眾同齡網民共鳴，笑言「大家都係叔啫」，將這場ATM奇遇記昇華為一場溫馨又爆笑的「叔叔相衞」、「uncle help uncle」！
過來人分享同類驚險經歷 嘆一言驚醒夢中人
笑還笑，這則潮文背後亦反映出網上詐騙案猖獗的實況，有網民留言感嘆，現時騙徒手法層出不窮，有網民分享身邊朋友的慘痛經歷：「我個fd上月fb mkt place放售5舊水，最後比人呃左近50萬，都唔明點樣可以偷走，佢自己轉入自己支付寶嘅錢。騙徒真係好勁，當刻如果你仲迷左落去唔醒嘅話，就會比人扼晒啲身家，好在你叫醒佢。」
另外亦有不少熱心網民分享自己「出手救人」的經歷，有網民表示曾在ATM遇過類似情況：「預到位婆婆都好似你見到咁，條友開個cam教個阿婆透支信用卡，我見到有啲唔對路，即刻搶左佢電話同條友Ｘ」，最終成功嚇退騙徒並報警處理；亦有網民在茶餐廳食早餐時，聽到鄰座女士談及丈夫收到「樓下sms投訴漏水」並請假處理，即多口提醒對方先向管理處查證，在侍應一同附和「係騙案來，小心d，唔好信」之下，成功阻止了一宗潛在騙案。
來源：Facebook
延伸閱讀：屯門伯伯險遇騙「唔識用ATM」救一命 正義妹妹截擊與騙子對質 揭假期貨騙局
