慈父豪氣出首期迫上車目標買市區盤為人子女：我唔想供樓有苦自己知親揭3大窒息死穴｜Juicy叮

時事熱話

更新時間：13:40 2026-10-31 HKT
發佈時間：13:40 2026-10-31 HKT

有任職 MNC（跨國公司）的打工仔近日在網上自爆，被慈父豪氣出首期迫上車的「苦況」。樓主痛陳現實，親揭3大窒息死穴，始終不想接受父親的好意，在網絡高喊「我唔想供樓」。詳情見下圖及下文：

慈父豪氣出首期迫上車目標買市區盤為人子女：我唔想供樓有苦自己知親揭3大窒息死穴逐張睇↓↓↓↓

網民勸買平啲樓主自爆理想地段

樓主昨天（30日）在社交平台 Threads發帖，大呻父親極度堅持買樓，甚至已經準備好一筆首期資金。樓主對此毫無喜色，反而深感窒息，稱：「我不想供樓，點解老竇咁堅持買樓係好啲，你畀個首期就易，供嘅好痛苦😭😭😭」。

面對父親的豪氣，樓主卻視之為無形枷鎖。有網民留言建議：「可唔可以買平啲嘅，供樓壓力唔好咁大」，樓主隨即爆出心儀地段，指明：「想買交通方便嘅區，理想係美孚南昌奧運一帶」。

有網民查問首期是否可以由父親支付九成，樓主則回覆指：「因為佢已經準備好$，我冇準備過😂😂佢唔會啦畀九成咁多啦」。

有苦自己知親揭3大窒息死穴

即使解決首期，往後的供樓開支與雜費開銷，依然是沉重負擔。樓主在回應欄吐露心聲，親揭不願上車的3大窒息死穴——

第一是剝削生活品質。有過來人留言痛陳買樓悲歌：「買完樓你唔使旨意一年去兩次旅行，人工1/3 -1/2 用嚟供樓，生活只有返工同畀層樓吸血，仲要畀多份差餉，到稅季就係百上加斤」。樓主隨即委屈直言「供得好痛苦，使錢都唔敢使太多😭」，並自爆：「我本身一年去4次以上旅行🥺交稅呢part（部分）我都未諗😢」。

第二大窒息死穴是外企非鐵飯碗。樓主自爆目前雖然在跨國公司工作，「返緊MNC但係都唔係100%可做到退休，而家市道一般，所以都係風險嚟」，自己隨時面臨被炒失業，一旦斷供後果不堪設想。

第三大是高負債的心理陰影。樓主坦言目前「知睇落有啲身在福中不知福，我只係想講下，由其早兩日見到啲供緊樓嘅threads人po（帖文）佢哋仲爭銀行幾多錢☠️我好唔想」，更驚嘆「感覺買樓係好大嘅賭博」，自己十分抗拒高負債。