抗病8年康復自力更生 港女取消領綜援寫下最勵志宣言 一句話暖哭全網 網民洗版祝一生健康 ｜Juicy叮
發佈時間：13:00 2026-10-29 HKT
抗病8年康復自力更生。有港女在網上發文宣佈取消領取綜援，並寫下最勵志宣言，以尊嚴感動網民。帖文的其中「一句話」瞬間暖哭全網，獲網民洗版式送上真摯祝福，祝願她一生健康。詳情見下圖及下文：
抗病8年康復自力更生 港女取消領綜援寫下最勵志宣言 一句話暖哭全網 網民洗版祝一生健康逐張睇↓↓↓↓
樓主：感恩納稅人幫咗我8年
樓主昨天（28日）在社交平台 Threads發帖，宣佈一個令人振奮的決定：「今日正式取消攞綜援」。
她回顧過去，首先致謝：「感恩納稅人們喺我病嘅呢8年幫咗我好多，依家我好返啲可以自力更生」。
樓主走出病痛陰霾，重新展開人生，更在貼文寫下一句暖哭全網的最勵志宣言：「希望以後到我幫其他人❤️」，瞬間觸動網民。
而樓主之前曾在另一帖文，自爆患病經歷：
納稅人：很樂意呢8年嚟幫到你
大批納稅人現身表示支持，直言這筆血汗錢花得有價值，留言：「身為納稅人很樂意呢8年嚟能夠幫到你，希望你新生活有好嘅開始，加油💪🏻」、「大家香港人一份心意，祝早日痊癒，過好嘅生活，pass on the love（將愛傳下去）」。
有網民指出這才是公共福利的真諦：「呢啲先係綜援真正嘅意義，幫助真正有需要嘅人過渡難關。欣賞你亦都恭喜你💕」、「我支持有綜援呢一項資助，畢竟有好多人真係需要，只要被幫助者係真係有需要，攞綜援唔係一件羞恥嘅事，祝福你之後一切順利，身體健康」。
更有網民大讚樓主主動不霸佔資源的體面舉動：「香港需要安全網。你能爬得出個網，留返畀有需要嘅人👍十分欣賞，高度讚揚。祝你一生身體健康幸福快樂。」、「好欣賞嗰啲走出困難人生，就自力更生的人，祝你有更美好人生！」
網民：「你已經好叻」
面對重新踏入社會的樓主，無數網民留下洋溢溫暖的長文，為她打氣：「我相信你一路走來經歷咗好多唔容易嘅時刻，勁欣賞你一路努力走到今日。希望往後嘅日子，你都可以繼續按住自己嘅步伐好好生活，好好照顧自己。祝福你」
有人指：「如果綜援可以喺你某段艱難嘅時間幫到你，咁實在係太好了。欣賞你會咁感恩同正面，希望你日後身心都健康，搵到令你發光發亮嘅地方呀✨」
網民：人生步入新階段
不少人祝賀她迎來新生：「恭喜你，但唔係因為你唔攞綜援，而係因為你人生步入新階段。」、「恭喜你可以過返一啲正常嘅日子，希望你條路以後可以越行越順。」
網民大排長龍送上最真摯的祝福：「太好了，祝你身心康泰！」、「祝身體健康，生活愉快，工作順利」、「加油，努力！出一分力，好好報答社會」、「加油，再祝你身體健康」。
有網民指出，社會保障制度的核心正是守望相助，勸勉樓主無需為過去領取援助感到內疚：「綜援其實係幫好似你這樣有需要的人」、「邊個人都有逆境時，你已經好叻，攞綜援不可恥。」有前線社會工作者亦現身留言，留下簡短而有力的鼓勵：「頂住！恭喜你！」
資料來源：littlegray_hk＠Threads
相關閱讀：
23歲綜援女用傷殘金買Bra惹熱議 女事主回應詳述情緒病患辛酸 獲網民力撐打氣
