養兒防老防了個寂寞 無人送最後一程有幾恐怖？ 血淚個案：四個仔女得一個送終 網民教兩代相處最現實一招｜Juicy叮
發佈時間：10:42 2026-10-29 HKT
養兒防老防了個寂寞來。網上近日熱議「冇人送終到底有幾恐怖？」。有網民化身清醒大師，直指「死咗之後乜都唔知」，與其執著於死後儀式，不如生前好好相處。有人更分享「4個仔女得一個送終」的血淚個案，並傳授兩代相處最現實一招，點出唯有做好這件事，晚年才能真正安穩。詳情見下文：
養兒防老防了個寂寞 無人送最後一程有幾恐怖？ 血淚個案：四個仔女得一個送終 網民教兩代相處最現實一招逐張睇↓↓↓↓
樓主發出靈魂質問
樓主昨日（28日）在社交平台 Threads 發帖，拋出一個直擊傳統親子關係的靈魂質問：「『冇人送終』到底有幾恐怖？」
並隨即指出，比起擔心晚年無人打理，最恐怖的其實是：「你為咗有人送終，用30年時間、幾百萬儲蓄、無數個失眠嘅夜晚，去養大一個可能根本唔想出世、大個咗又同你貼錯門神嘅人？」
網民：死咗之後乜都唔知
網民對後事處理滿有意見，不少人認為執著於「死後有沒有人送終」根本毫無意義，因為人在離世後完全沒有意識。
網民直指：「死咗之後乜都唔知，驚啲自己唔知嘅事你話幾咁戇X先得」、「有人送終又點？你會知咩？就算有仔女到時佢有冇送你都唔知㗎啦」、「有人送終係咪會翻生？」
網民還稱，「送終」這種儀式說到底只是活人的自我安慰，死人根本無法感知，甚至連科技都能代勞，毋須過度焦慮：「啱呀，送呢個行為係生人做嘅，生人先知，死嗰個其實已經無意識去 care（在意），講冇人送終已經唔成立，再加埋又 AI（人工智能）又機械人。」
有過來人更分享痛心個案，指單靠血緣並不保證晚年有依靠，若親子關係不好，生得多也無濟於事：「有冇諗過就算有仔女，都冇人送你終？我外公有4個仔女，最後得一個女送佢終。」
說明4個仔女到頭來竟然只得一個女兒願意送終。網民更痛斥現實中多的是「生前不孝，死後做騷」的荒謬人性，指死後有人送終純屬虛偽：「都死咗啦，生時不孝，大把人喺父母死後扮孝子啦，又千字文又盛，生前眼尾都冇望過啦。」
網民教兩代相處最現實一招
面對家庭關係可能鬧僵的困局，網民傳授「兩代相處最現實的一招」，一言以蔽之就是「唔好多管閒事」。
有網民直言，只要父母學懂放手、不干涉，兩代人便不會貼錯門神：「其實只要你唔好多管閒事，唔危害到屋企人利益就話之佢，咁反面機會大大減低。不過我知大部分人都做唔到。」
有網民也認同，如果關係差，父母不應一味怪責下一代，而是需要自我反省：「有個仔同你貼錯門神請自我檢討。」
網民坦言，養育下一代其實就像一場無法預測的「買大細」豪賭，緣份難強求。正如網民所言：「有啲人係攞債，但有啲人係生咗個財神出嚟。」
資料來源：egoless_hk＠Threads
相關閱讀：
日薪$1700請「靈堂守靈員」 港女應徵結果極驚嚇 最後靠1招甩身
姨媽靈堂「紅色萬字夾」換水迫自拍 孝順女回港奔喪遇親戚怪行 網民疑有心寒動機
帶1歲B女去白事掀議！港爸媽曝光家中CCTV「不明現象」崩潰求救：撞咗嘢？
