中環人「炫窮」掀熱話！月入45K自爆支出戶口得3萬8？網民憑1個關鍵狂質疑｜Juicy叮
發佈時間：12:00 2026-10-21 HKT
近年網上流行「炫富」，一位自稱在「中環做後台」即後勤部門（Back Office）的網民卻反其道而行，在社交平台發表了一篇「公開真實支出」的「炫窮」帖文，在網絡掀起熱烈討論。
開支全公開 詳細拆解每月開銷
樓主開宗明義表示自己「唔係炫富」，而是「炫窮」，雖然月入45K，但打開銀行戶口，「結餘得返38,000」。為了自證，樓主更詳細拆解了自己的每月開銷：
- 房租（與人夾租西營盤舊樓，得張床）：$8,500
- 食飯（自己帶飯或食50蚊兩餸飯）：$4,500
- 交通（迫地鐵搭電車，真係OT到半夜先搭的士）：$800
- 保險同家用（父母逼買）：$4,500
- 雜費（電話、日用品）：$1,500
慳得辛苦卻「得個桔」？直指同事買袋係「財務自殺」
從各種開鎖中結算下來，樓主每個月的基本開銷大約是19,800元，他大發牢騷謂，外界以為這樣生活能儲很多錢，但事實上在「中環」這個高消費地段，就算不買名牌、不去 SoHo 飲酒、不去旅行，交完租、食完飯、畀完家用，「戶口都係得個桔」。他解釋是因為「總有突發嘢。交稅、朋友結婚、電腦壞、睇個私家醫生，一個月啲錢即刻蒸發晒」。
除了大呻儲錢難，樓主更狠批身邊的「精緻窮」同事，直指他們月入得三萬卻硬要買三萬元的名牌袋，日日在 Pantry 食杯麵，還美其名曰「中環人門面」。樓主直斥：「大佬，呢啲唔係門面，呢啲叫『財務自殺』。」他認為真正有錢的 MD（董事總經理）都是穿Uniqlo在Pantry食飯盒，根本不需要靠名牌袋證明自己。
網民柯南上身 質疑「數目不符」恐是AI寫作
不過，這篇看似寫實的「中環人悲歌」並未得到網民的同情，反而引來鋪天蓋地的質疑，大批網民化身「數學家」，即時開機計算：「45000 - 18000 = ？」，紛紛留言質疑：「45k配搭呢啲支出竟然會戶口得38k，條數點計出黎？過大海賭錢？」、「每個月都儲到2萬，戶口得38000？？？你個個月都有大病、生cancer、飲幾餐、包幾次帛金架？？？」
有不少網民更直接質疑這是一篇「AI 作文」，笑指：「Sis 月入45K，用左20k，你應該重有好多野無講wor，喱個洗費已經唔真實啦~~~~ 重作啦~唔好用ai寫，睇得出架」、「雖然係AI文，但又幾真實」、「好Aifeel」，甚至有網民踢爆這篇文章已經是重複發布的「潮文罐頭」：「呢個月大概我睇咗五次呢一篇文」。
網民突破盲點：中環 Back Office 唔識 Claim 錢？
除了收支數目完全對不上之外，網民亦針對樓主提及的生活細節展開全方位打臉。首先是醫療保險的問題，樓主大呻突發看私家醫生令積蓄蒸發，隨即被網民質疑，直言中環大部分工作的公司醫療保險，一定能覆蓋看私家醫生的突發開支，更有網民感到不可思議地反問「下，你公司沒醫保睇醫生？你45000喔」。
其次，樓主聲稱從西營盤往返中環的交通費高達每月八百元，同樣被指極不合理，不少網民指出西營盤與中環距離極近，步行過去根本不算遠，就算不想走路，搭電車也是「平到笑」的選擇，有網民更直指如果真的是因為加班工作而需要搭的士，正常公司都應該可以實報實銷，不明白為何要自掏腰包，「OT到要撘的士唔會clam返公司？？」
最後，對於樓主將交稅列為令錢財「即刻蒸發」的突發事件，網民更是直斥其理財觀念差劣。大家紛紛留言教育樓主，強調儲不到錢完全是個人問題，與身邊的同事或中環的環境無關，而且交稅是每年既定的開銷，根本稱不上是突發事件，即使真的有財政壓力，亦可以選擇分期付款，認為樓主的藉口實在太過牽強。
來源：Threads
延伸閱讀：全家月入16萬自嘲似乞衣？中環高薪族列開支清單呻如賣身 網民：自己攞嚟？
