網上瘋傳10大邪門宿命 儲到錢實有大數使 職場魔咒講「得閒」即出大事 網民自爆更多日常玄妙規律｜Juicy叮
發佈時間：13:00 2026-10-17 HKT
網上近日流傳一張日常生活「10大邪門宿命」清單，其中「儲到錢實有大數使」、「邋遢落街偏偏撞到熟人」、職場魔咒：講「得閒」即出大單嘢等條條命中。
滿有共鳴的網民留言現身說法，瘋狂加碼爆料，自爆更多10大清單以外的日常玄妙規律。這些避無可避的生活死穴，讓人崩潰高呼：這個世界好像特登針對自己……詳情見下圖及下文：
網上瘋傳10大邪門宿命 儲到錢實有大數使 職場魔咒講「得閒」即出大事 網民自爆更多日常玄妙規律逐張睇↓↓↓↓
10大宿命 港人日常集體中招
樓主昨天（16日）在社交平台 Threads 發帖，列出了港人似乎是避無可避的日常玄妙規律：
•「啱啱洗完車，實會落雨」
•「求其邋邋遢遢落街，實會撞到熟人」
•「好不容易儲到少少錢，實會突然有筆大數要使」
•「一排隊，隔離條隊實行得快過你嗰條」
•「放假嗰日，實會醒得仲早過返工」
•「去釣魚，一點著支煙，條魚就偏偏喺呢個時候上釣」
•「有重要約會嗰日，實會塞車」
•「臨收工嗰陣，實會突然有啲麻煩嘢搵上門」
•「喺屋企搵半日都搵唔到嘅嘢，最後喺搵過嘅地方搵到」
•「擺咗三年都冇用過嘅嘢，一掉咗，三日內實會突然要用返」
網民加碼：換車念頭一動座駕即壞
這份清單迅速引發一場爆笑的網民集體訴苦大會。車主與司機們的怨氣在留言區尤為強烈。
有網民分享愛車的玄妙感應：「提過下想換車，原本架車就有嘢要整」，樓主隨即笑回：「架車聽到會嬲㗎🤣」。也有司機大呻搵位與搭的士宿命：「平時揸車冇錶位，冇揸嗰日就周街都係！」、「見到條街無位泊入停車場，一行出去就見到有錶位」、「想搭的士一定無車，唔諗住搭就一街都係」。
下雨天和通勤同樣充滿邪門規律。網民留言：「冇帶遮就會落雨，帶咗長遮就出太陽」、「你唔搭的士時通街都係，當你急時要搭的士一架都無！」、「排隊搭巴士，永遠睇住其他車走幾架自己嗰架都未到」。
等巴士更存在玄妙的「逆向感應」：「返屋企等開嗰架巴士平時等好耐先一架，今次有其他地方要去唔坐佢就一兩架係咁嚟！」。甚至有人要用邪門招數等車：「等車，一點煙，架車就嚟，我先生次次都百發百中，又要等下一班😒」，也有人附和：「我冇車嗰陣就係會用呢招」。
職場魔咒：講「得閒」即出大單嘢
職場與學校也是邪門規律的重災區。網民痛訴每逢生死關頭，設備必然集體罷工：「趕住印嘢交功課，部影印機實會壞」、「喺 Office（辦公室）趕住要 Copy（影印）或者 Print（列印）嘢，部影印機就會係咁 Jam（卡）紙💩💩」。
上班族更千萬不能說錯話，有網民自爆口賤宿命：「返工嗰日講咗句得閒，嗰日就有大單麻煩嘢跟！」。甚至連遲到早退都有神準感應：「好日唔撞到腦細，遲到早走必撞到！」。
日常生活詛咒：著白衫食意粉必彈汁
日常生活的小動作也充滿詛咒。網民指出：「插 USB 永遠要插 3 次」、「新波鞋著出街 3 日內會開光（畀人踩污糟）」、「拖完地會倒瀉嘢」、「啲嘢搵嚟搵去都唔見，唔搵嗰陣就會見到」。
而最無法破解的衣著與皮膚詛咒，則是：
•「仲有著白色衫食嘢，尤其意粉，咖喱通常都彈到。可能黑色衫時唔顯眼，但真係白色衫必中招」
•「一有重要約會/Event（活動）就會爆大瘡😂」
•「去旅行前一兩日，一係就唔舒服，一係就腸胃炎🤢」
最摧毀意志死穴：人肉內急與金錢規律
在網民熱烈加碼的規律中，最摧毀理智的莫過於遇上人肉內急。有網民形容最絕望體驗：「急屎嘅時候，屋企樓下永遠好多人等𨋢仲要低樓層過你」、「每次愈急愈趕時間，就會愈多突發嘢發生 Delay（延誤）你」、「越心急越塞車」。
金錢與運氣宿命同樣令人崩潰：
•「股票一買就跌，一賣就升」
•「六合彩，無買嗰期就會中晒平時買開嘅數字😆」
•「每次購物完，第二日就開始減價，買衫如是，買機票如是」
有網民總結，這一切都證明了「人忌太滿，特別係你有多啲錢時候你就一定會遇到咩事令你要使錢出去」，也有網民大嘆：「話自己好健康，第二日即病！」、「只可以講句『人生不如事，十常八九』！數得出十樣，大把人中八至九樣」。
面對種種被針對的命運，有網民試圖用逆向思維抗衡運氣黑洞：「所以我逆思維諗過！我希望我唔中六合彩！點知就真係依然繼續唔中😂😅」。
資料來源：tseng.960＠Threads
相關閱讀：
公屋市區派樓竟有「宿命循環」？ 兩申請者驚人巧合互換一派二派 連中港島九龍近50年舊樓
