网上疯传10大邪门宿命 储到钱实有大数使 职场魔咒讲「得闲」即出大事 网民自爆更多日常玄妙规律｜Juicy叮
发布时间：13:00 2026-10-17 HKT
网上近日流传一张日常生活「10大邪门宿命」清单，其中「储到钱实有大数使」、「邋遢落街偏偏撞到熟人」、职场魔咒：讲「得闲」即出大单嘢等条条命中。
满有共鸣的网民留言现身说法，疯狂加码爆料，自爆更多10大清单以外的日常玄妙规律。这些避无可避的生活死穴，让人崩溃高呼：这个世界好像特登针对自己……详情见下图及下文：
网上疯传10大邪门宿命 储到钱实有大数使 职场魔咒讲「得闲」即出大事 网民自爆更多日常玄妙规律逐张睇↓↓↓↓
10大宿命 港人日常集体中招
楼主昨天（16日）在社交平台 Threads 发帖，列出了港人似乎是避无可避的日常玄妙规律：
•「啱啱洗完车，实会落雨」
•「求其邋邋遢遢落街，实会撞到熟人」
•「好不容易储到少少钱，实会突然有笔大数要使」
•「一排队，隔离条队实行得快过你𠮶条」
•「放假𠮶日，实会醒得仲早过返工」
•「去钓鱼，一点著支烟，条鱼就偏偏喺呢个时候上钓」
•「有重要约会𠮶日，实会塞车」
•「临收工𠮶阵，实会突然有啲麻烦嘢揾上门」
•「喺屋企揾半日都揾唔到嘅嘢，最后喺揾过嘅地方揾到」
•「摆咗三年都冇用过嘅嘢，一掉咗，三日内实会突然要用返」
网民加码：换车念头一动座驾即坏
这份清单迅速引发一场爆笑的网民集体诉苦大会。车主与司机们的怨气在留言区尤为强烈。
有网民分享爱车的玄妙感应：「提过下想换车，原本架车就有嘢要整」，楼主随即笑回：「架车听到会嬲㗎🤣」。也有司机大呻揾位与搭的士宿命：「平时揸车冇表位，冇揸𠮶日就周街都系！」、「见到条街无位泊入停车场，一行出去就见到有表位」、「想搭的士一定无车，唔谂住搭就一街都系」。
下雨天和通勤同样充满邪门规律。网民留言：「冇带遮就会落雨，带咗长遮就出太阳」、「你唔搭的士时通街都系，当你急时要搭的士一架都无！」、「排队搭巴士，永远睇住其他车走几架自己𠮶架都未到」。
等巴士更存在玄妙的「逆向感应」：「返屋企等开𠮶架巴士平时等好耐先一架，今次有其他地方要去唔坐佢就一两架系咁嚟！」。甚至有人要用邪门招数等车：「等车，一点烟，架车就嚟，我先生次次都百发百中，又要等下一班😒」，也有人附和：「我冇车𠮶阵就系会用呢招」。
职场魔咒：讲「得闲」即出大单嘢
职场与学校也是邪门规律的重灾区。网民痛诉每逢生死关头，设备必然集体罢工：「赶住印嘢交功课，部影印机实会坏」、「喺 Office（办公室）赶住要 Copy（影印）或者 Print（列印）嘢，部影印机就会系咁 Jam（卡）纸💩💩」。
上班族更千万不能说错话，有网民自爆口贱宿命：「返工𠮶日讲咗句得闲，𠮶日就有大单麻烦嘢跟！」。甚至连迟到早退都有神准感应：「好日唔撞到脑细，迟到早走必撞到！」。
日常生活诅咒：著白衫食意粉必弹汁
日常生活的小动作也充满诅咒。网民指出：「插 USB 永远要插 3 次」、「新波鞋著出街 3 日内会开光（畀人踩污糟）」、「拖完地会倒泻嘢」、「啲嘢揾嚟揾去都唔见，唔揾𠮶阵就会见到」。
而最无法破解的衣著与皮肤诅咒，则是：
•「仲有著白色衫食嘢，尤其意粉，咖喱通常都弹到。可能黑色衫时唔显眼，但真系白色衫必中招」
•「一有重要约会/Event（活动）就会爆大疮😂」
•「去旅行前一两日，一系就唔舒服，一系就肠胃炎🤢」
最摧毁意志死穴：人肉内急与金钱规律
在网民热烈加码的规律中，最摧毁理智的莫过于遇上人肉内急。有网民形容最绝望体验：「急屎嘅时候，屋企楼下永远好多人等䢂仲要低楼层过你」、「每次愈急愈赶时间，就会愈多突发嘢发生 Delay（延误）你」、「越心急越塞车」。
金钱与运气宿命同样令人崩溃：
•「股票一买就跌，一卖就升」
•「六合彩，无买𠮶期就会中晒平时买开嘅数字😆」
•「每次购物完，第二日就开始减价，买衫如是，买机票如是」
有网民总结，这一切都证明了「人忌太满，特别系你有多啲钱时候你就一定会遇到咩事令你要使钱出去」，也有网民大叹：「话自己好健康，第二日即病！」、「只可以讲句『人生不如事，十常八九』！数得出十样，大把人中八至九样」。
面对种种被针对的命运，有网民试图用逆向思维抗衡运气黑洞：「所以我逆思维谂过！我希望我唔中六合彩！点知就真系依然继续唔中😂😅」。
资料来源：tseng.960＠Threads
相关阅读：
公屋市区派楼竟有「宿命循环」？ 两申请者惊人巧合互换一派二派 连中港岛九龙近50年旧楼
