外賣車手怒轟大學生做步兵搶生意「嘥公帑」網民一句反擊道破年輕人兩難處境｜Juicy叮

更新時間：08:04 2026-09-30 HKT
發佈時間：08:04 2026-09-30 HKT

一名自稱現職外賣平台車手的網民在facebook發文，將矛頭直指近年加入外賣大軍的大專畢業生，直斥對方與基層勞工爭飯碗，甚至扣上浪費社會資源的帽子，言論瞬間引爆網民怒火，引發數以百計網民留言圍剿。

批畢業生浪費公帑促「匿喺屋企咪出嚟做步兵」

該名車手在帖文中直言，自己在跑單期間「真係發現好多大學生，因為搵唔到嘢做加入」，但隨即批評高學歷人士根本不應踏足外賣行業。樓主更理直氣壯地表示，這班畢業生「應該擺啲時間搵其他工，咁樣不但搶我哋生意，仲浪費咗納稅人嘅錢，供佢哋讀咁多年大學」，甚至在文末勒令一眾大學生「應該匿喺屋企繼續搵嘢做，冇出嚟搶生意做步兵」。

網民反駁「嘥公帑」論：好多人借Grant Loan讀書點還？

帖文一出隨即遭大批網民猛烈砲轟，不少網民首先反駁樓主所謂「浪費納稅人錢」的謬論，指出大學生並非受公帑全額包辦，不少人更背負學債，紛紛反擊直斥樓主「講到讀大學免費咁？你覺得人地老豆老母無份納咩」、「依家大學免費讀？職業又有分貴賤了？」、「好多大學生要借grant loan先讀到大學。畢業出嚟冇嘢做點還？」，更有網民狠批樓主邏輯混亂，「人地唔做又話揀，人地做又話搶，神經病」。

年輕人兩難：「躺平又鬧、做嘢又嘈」網民力撐騎牛搵馬自食其力

除了學費爭議，更多網民對這群願意放下身段的大學生表示體諒與讚賞，怒斥樓主自私兼無理取鬧。有留言精闢道出年輕人的兩難處境，諷刺樓主「留喺屋企躺平又俾你鬧，出嚟搵嘢做又俾你嘈你玩晒啦」，亦有網民直言「佢地肯工作,冇躺平,已經好好！」、「有頭髮邊個想做癩痢？肯落手落腳做有乜問題」，認為畢業生肯做外賣員騎牛搵馬賺取生活費，總好過無所事事向屋企伸手。