公屋裝電子鎖掀爭議！住戶曬實戰心得豪言「錢解決得到」 房署規例嚴禁私改｜Juicy叮
發佈時間：08:04 2026-09-25 HKT
智能家居日漸普及，連傳統公屋住戶亦希望能體驗「無匙一身輕」的生活便利，有公屋住戶在社交平台群組發帖提問：「請問公屋大門可否裝電子鎖？」帖文意外掀起網民爭議。
瀟灑「還原派」撐換鎖：錢解決到就唔係問題
在熱烈討論中，一批網民抱持「享受當下」的態度，力撐想換就換：「其實有咩好驚，搬走還原錢問題，錢可以解決嘅問題就唔係問題啦，無錢就乜叉都唔好搞，完」，更有回應補上一句「驚就唔好攪，攪就唔好驚」。
一些網民甚至認為只要「搬走嘅時還原就可以」，更有住戶分析指，將來遷出多數是因置業或生活改善，「走時還原，走得十有八九都係有錢先走，到時候啫係錢就可以解決問題」，甚至有網民笑言「百年歸老 唔使還原」。
對於拆下來的原裝舊鎖應否保留，這派網民同樣豪氣。面對有網民提醒要留鎖防日後被索償，有網民反駁「留乜Ｘ，把垃圾鎖先幾條野」，亦有網民坦言「公屋地方咁細仲要搵地方擺呢舊鎖，我寧願每個月慳$10，儲埋第日還返俾政府嘅鎖錢」，認為空間實用性遠比留下一件五金配件重要。
「租客本分派」潑冷水：公屋當私樓？
另一陣營的網民則對隨意改裝公屋持強烈保留態度，認為租戶不應越界：「記住你係租嘅，咩都吾好攪」、「唔係自己物業，搞咁多嘢做乜？」甚至有網民嘲諷改裝者「痴痴地，當自己業主呀？」。
這番言論隨即引來猛烈反擊，有網民反斥動輒搬出租約限制的網民過於保守，「開口埋口你只係租客嗰啲民智未開......佢哋覺得唔使瞓天橋底已經皇恩浩蕩！」雙方隨後繼續唇槍舌劍，甚至有網民幽默諷刺：「知唔知你係地球都係租用架咋，千祈唔好損耗地球資源，要原地活著」。
住戶曬防範巡查實戰心得：遮掩神器、鐵閘長開
討論中亦不乏街坊提供「實戰心得」，在防範巡查方面，有網民指出：「新嗰啲屋邨鐵閘灰色打橫一條條鐵嗰種，可以遮住個電子鎖，你裝咗都無人知」，除非鄰居暗中留意，否則很難察覺。
不少住戶表示若換了電子鎖便不想多帶一條鐵閘匙，乾脆選擇「鐵閘長開」，或者日常「鐵閘唔鎖的，我返到去用膊頭或隻腳拉推，因為買餸雙手滿滿！」。同時，網購平台上主打「免改孔、輕鬆無損替換」的公屋專用鎖亦引起熱話，被不少公屋住戶視為減少破壞大門的折衷出路。
房署規例：大門門鎖屬甲類禁改動 鐵閘鎖改動須審批
房署資料顯示，香港房屋委員會轄下公屋單位內的業主固定裝置分為甲、乙、丙三類。甲類為不准改動裝置；乙類為可改動裝置，但改動前必須得到房屋署批准，租戶亦須負上日後的維修責任；而丙類裝置則屬毋須得到房屋署批准而可改動的項目。
單位大門、鐵閘及門鎖的設計及安裝必須符合相關法例要求，使住戶在緊急逃生時不會造成阻礙。單位大門須符合規定的耐火表現，在火警情況下須保持必要的完整性及隔熱性能。因此，單位大門及小五金（包括大門門鎖）屬甲類固定裝置，租戶不可自行改動。防盜鐵閘及鐵閘鎖則屬乙類固定裝置，租戶在改動前必須得到房屋署批准。
來源：公屋討論區 - 香港facebook群組
延伸閱讀：公屋新型鐵閘長者難開之苦 手指伸入難發力怕被困屋內 街坊教用地拖棍神級改造
