港男付款時不慎跌錢 後排馬尾女「仆倒咁」執起竟私藏拒還 意想不到後續氣炸網民｜Juicy叮
發佈時間：12:45 2025-10-20 HKT
一名男子早前在小食店付款期間不慎跌錢，被後排的一名馬尾女子「仆倒咁」拾起並拒絕歸還，完美演繹了何謂「地上執到寶，問天問地攞唔到」。該名貪心女子的後續舉動更加叫人意想不到，氣炸網民，有人嚴正建議「報警」處理。詳情見下圖及下文：
港男購物時不慎跌錢 後排馬尾女「仆倒咁」執起竟私藏拒還逐張睇↓↓↓↓
相關閱讀：港鐵紅磡站有乘客跌銀包？ 網民：考驗人心 港男揭真相：呃晒全港800萬人
樓主：女子鬧返我轉頭
樓主本月13日在社交平台Threads以「香港🇭🇰」為題上載相片發帖，留言講述在小食店付款時的事發經過，指該名女子「本身企我後面嘅，我買嘢食俾錢拎個銀包嗰陣時無為意跌咗嗰5蚊，佢就即仆過去執咗我個5蚊，我本身以為係佢跌嘅，佢後面個人同我講返先知佢執我錢」。
樓主續指「問佢可唔可以俾返我，仲鬧返我轉頭話我5蚊都要，最後佢買完唔知喺度用啲咩普通話粗口鬧住我咁跑走。」；樓主在回應網民時還進一步透露「有Ｘ佢咁大個人5蚊都執有冇咁窮」。
相關閱讀：好人難做？將軍澳商場門口執到大疊人民幣 好心港女以為阿嬸跌錢 一原因越問越走
網民嚴正建議「報警」處理
針對這個明搶的舉動，有網民嚴正建議「報警」處理，怒稱「呢啲真係乞衣，明明見到人哋跌嘅都仆去執，擺明搶，可以報警拉佢」。
滿心替樓主不值，怒氣沖沖的網民，紛提出不同對付涉事貪心馬尾女的建議：
•扔多5蚊落地下，同佢講我俾開乞衣係10蚊；
•係我，就會拎多1蚊出嚟，兜嘢大力掉俾佢！
•唔係問可唔可以，係應該命令佢俾返你，唔俾就報警，唔關銀碼幾多事；
•應該問佢攞返，謂有閉路電視影到㗎！助長貪心，唔係太好。唔係你嘅嘢，就算5毫子，都唔應該要；
•佢鬧返你轉頭話5蚊都要，你咪話「呢5蚊帛金嚟，你咁想要咪俾你全家做帛金囉 」，使乜同啲Ｘ街客氣；
•5蚊事小！俾乞衣都俾咗，但你應該同佢講你唔俾返我即刻報警 ！你縱慣咗呢啲咁嘅垃圾人！執人錢咁貪心仲要調轉用粗口鬧人！點解要益咗佢！
相關閱讀：「大頭蝦」提款後忘記領取 路人目擊櫃員機「食錢」 網民列重要原因：千祈唔好掂
樓主：銀包的確少咗5蚊
有謹慎的網民提出一疑問「你唔為意係咪自己跌，唔俾係路人甲睇錯咩？」，樓主回應稱「咁我check（檢查）返銀包的確少咗5蚊，平時銀包一定裝30蚊銀仔傍身」。
另有網民有類似經歷，稱「真㗎，我都試過唔小心跌左一些零錢，只是10蚊8蚊，俾個身光頸靚的女人執咗，唔俾返我，睇到眼都X，當時唔識反應（我以為佢會俾返我㗎），俾佢走咗」。
資料來源：incredibils＠Threads
相關閱讀：港漂實測中環扮跌錢「弄假成真」 追錢反應惹議 網民：好尷尬↓↓↓↓
有港漂指中環的人賺錢多，不會浪費時間去執錢，他決定實測跌錢驗證這「沒人撿」理論，結果弄假成真，當被執走時，港漂追錢的反應引來網民熱議。
該港漂曾在投行工作，他後來做自媒體，他拍片向內地網民介紹中環。他表示，在中環返工的人賺很多錢，傳聞他們不會浪費時間去執錢。為了驗證這個傳聞，他拿出1百元，丟在地上，做了以下執錢實驗↓↓↓↓
