港男付款时不慎跌钱 后排马尾女「仆倒咁」执起竟私藏拒还 意想不到后续气炸网民｜Juicy叮
发布时间：12:45 2025-10-20 HKT
一名男子早前在小食店付款期间不慎跌钱，被后排的一名马尾女子「仆倒咁」拾起并拒绝归还，完美演绎了何谓「地上执到宝，问天问地攞唔到」。该名贪心女子的后续举动更加叫人意想不到，气炸网民，有人严正建议「报警」处理。详情见下图及下文：
港男购物时不慎跌钱 后排马尾女「仆倒咁」执起竟私藏拒还逐张睇↓↓↓↓
相关阅读：港铁红磡站有乘客跌银包？ 网民：考验人心 港男揭真相：呃晒全港800万人
楼主：女子闹返我转头
楼主本月13日在社交平台Threads以「香港🇭🇰」为题上载相片发帖，留言讲述在小食店付款时的事发经过，指该名女子「本身企我后面嘅，我买嘢食俾钱拎个银包𠮶阵时无为意跌咗𠮶5蚊，佢就即仆过去执咗我个5蚊，我本身以为系佢跌嘅，佢后面个人同我讲返先知佢执我钱」。
楼主续指「问佢可唔可以俾返我，仲闹返我转头话我5蚊都要，最后佢买完唔知喺度用啲咩普通话粗口闹住我咁跑走。」；楼主在回应网民时还进一步透露「有Ｘ佢咁大个人5蚊都执有冇咁穷」。
相关阅读：好人难做？将军澳商场门口执到大叠人民币 好心港女以为阿婶跌钱 一原因越问越走
网民严正建议「报警」处理
针对这个明抢的举动，有网民严正建议「报警」处理，怒称「呢啲真系乞衣，明明见到人哋跌嘅都仆去执，摆明抢，可以报警拉佢」。
满心替楼主不值，怒气冲冲的网民，纷提出不同对付涉事贪心马尾女的建议：
•扔多5蚊落地下，同佢讲我俾开乞衣系10蚊；
•系我，就会拎多1蚊出嚟，兜嘢大力掉俾佢！
•唔系问可唔可以，系应该命令佢俾返你，唔俾就报警，唔关银码几多事；
•应该问佢攞返，谓有闭路电视影到㗎！助长贪心，唔系太好。唔系你嘅嘢，就算5毫子，都唔应该要；
•佢闹返你转头话5蚊都要，你咪话「呢5蚊帛金嚟，你咁想要咪俾你全家做帛金啰 」，使乜同啲Ｘ街客气；
•5蚊事小！俾乞衣都俾咗，但你应该同佢讲你唔俾返我即刻报警 ！你纵惯咗呢啲咁嘅垃圾人！执人钱咁贪心仲要调转用粗口闹人！点解要益咗佢！
相关阅读：「大头虾」提款后忘记领取 路人目击柜员机「食钱」 网民列重要原因：千祈唔好掂
楼主：银包的确少咗5蚊
有谨慎的网民提出一疑问「你唔为意系咪自己跌，唔俾系路人甲睇错咩？」，楼主回应称「咁我check（检查）返银包的确少咗5蚊，平时银包一定装30蚊银仔傍身」。
另有网民有类似经历，称「真㗎，我都试过唔小心跌左一些零钱，只是10蚊8蚊，俾个身光颈靓的女人执咗，唔俾返我，睇到眼都X，当时唔识反应（我以为佢会俾返我㗎），俾佢走咗」。
资料来源：incredibils＠Threads
相关阅读：港漂实测中环扮跌钱「弄假成真」 追钱反应惹议 网民：好尴尬↓↓↓↓
有港漂指中环的人赚钱多，不会浪费时间去执钱，他决定实测跌钱验证这「没人捡」理论，结果弄假成真，当被执走时，港漂追钱的反应引来网民热议。
该港漂曾在投行工作，他后来做自媒体，他拍片向内地网民介绍中环。他表示，在中环返工的人赚很多钱，传闻他们不会浪费时间去执钱。为了验证这个传闻，他拿出1百元，丢在地上，做了以下执钱实验↓↓↓↓
