港鐵紅磡站有乘客跌銀包？網民：考驗人心港男揭真相：呃晒全港800萬人｜Juicy叮

更新時間：15:42 2025-10-04 HKT
發佈時間：15:42 2025-10-04 HKT

港鐵紅磡站長期都有乘客跌銀包？有知機的網民指出，這個被跌下的銀包「執唔起」，可用作「考驗人心」；有港男則揭開真相，笑言「呃晒全港800萬人」。詳情見下圖及下文：

港鐵紅磡站有乘客跌銀包？逐張睇↓↓↓↓

阿婆：你係咪跌咗嘢啊？

樓主早前在社交平台Threads以「地鐵日常」為題上載相片發帖，指「啱先坐喺紅磡站月台，有個阿婆行埋嚟指住我隻腳隔離問：『你係咪跌咗嘢啊？』我望一望地下：「😓😓😓😓」，Fake（假裝）到……」。

原來不少網民也被這個銀色的銀包仔騙了，排著隊指：

•我都俾佢呃過……；
•呢個藝術品都俾佢Fake過；
•我都試過同人講佢跌咗嘢；
•我都試過俾人提我跌咗嘢；
•其實我都試過特登行埋去睇係咪跌咗嘢；
•曾幾何時我都見過你個情況，同一個地方；
•我都試過好似你咁，不過我係問問題嗰個……；
•身同感受，坐喺度聽聽下歌俾人嗌我話我跌咗嘢；
•老實在下都俾呢舊嘢Fake過……然後內心曾澎湃地「頂」咗一聲……

還有人詳細地稱：「昨日我坐喺凳上，我都有懷疑過係咪有人跌咗嘢，後尾有個女士好好，見到話有人跌咗，拎俾職員先，點知.....執唔起，話裝飾品」、「我喺8月10日晚去睇Big Four演唱會經過呢度，離遠見到有個銀包喺凳底，好心通知行過的港鐵男職員，點知佢話係藝術品嚟㗎！我吓咗一聲，佢話都有好多人通知過佢哋，呢個Moment（時刻），此刻共對亦無言……」。

樓主：要呃晒全香港800萬人

於是有網民表示「已經唔止一次喺Threads見到有人話被Fake」，樓主回應時笑言：「要呃晒全香港800萬人」。

有知情的網民則淡定地表示「好耐喇呢嚿嘢」、「呢個紅磡站設計嚟嘅」、「這是個考驗人心的藝術裝置，阿婆加分」、「個Qr code（二維碼）係後加，開站嘅時候無」、「最早期無貼紙，俾人講得多先加咗貼紙」。

真相大白後，之前不知就裏的網民表示：

•幾得意；
•好搞笑，第一次見；
•原來係咁，我困惑咗3年；
•隔離嘅喼就見過，完全唔知呢件咁細緻嘅藝術；
•我成個月前都見過！！！一樣！但附近無人！後加：睇咗幾個留言……原來係藝術品……；
•我返工會喺紅磡站轉車，車廂落車正正會經過呢張凳，我有幾日都見到呢個銀包。心諗點解幾日無人執起俾港鐵，以為係無人見到，我都無理咁多照去返工，嗰陣都未有呢張貼紙，依家見到終於知咩事……

資料來源：l______ch＠Threads

相關閱讀：紅磡站月台椅子下有寶執？網民眼甘甘：呢舊係咩嚟？↓↓↓↓

港鐵紅磡站新東鐵月台有寶執？鞋子、手表、鴨舌帽、手帕、空瓶子、錢包和摺扇⋯⋯各式物品散落月台椅子附近，像尋寶遊戲般一一找出也挺有趣。

日復一日的往來，可曾發現藝術就在身旁、在腳下。紅磡站月台的藝術品《失而復得》由香港藝術家林嵐創作。有網民因為散落的錢包藝術品而遇上搞笑事，指「話說紅磡站果度有好多呢啲藝術品，跟著果日有個阿婆坐個藝術品張凳上面啦，仲以為佢跌咗個散子包，我行過去問佢：婆婆，你係咪跌咗嘢呀，我幫你執返啦……跟住我發覺個散子包係硬，同執唔起嘅？原來係藝術品嚟㗎！？」。相片引來網民好奇，問「呢舊係咩嚟？」。

紅磡站藝術品實況：

紅磡站藝術品《失而復得》

根據港鐵網頁資料，《失而復得》由多個組件合成，分布車站不同位置。月台上，放有不同年代流行的行李款式石雕。在電梯旁貼有經典回鄉尼龍袋圖像。座位旁，則有由舊船和舊車回收而來的鋁零件鑄成失物，鑲在地上：物件包括皺巴巴的手帕、空瓶子、舊帽子、錢包、時針腕表和鞋。藝術家林嵐提醒：「別讓歲月的記憶流走，也別迷失在大時代中。」