港铁红磡站有乘客跌银包？ 网民：考验人心 港男揭真相：呃晒全港800万人｜Juicy叮
发布时间：15:42 2025-10-04 HKT
港铁红磡站长期都有乘客跌银包？有知机的网民指出，这个被跌下的银包「执唔起」，可用作「考验人心」 ；有港男则揭开真相，笑言「呃晒全港800万人」。详情见下图及下文：
港铁红磡站有乘客跌银包？ 逐张睇↓↓↓↓
阿婆：你系咪跌咗嘢啊？
楼主早前在社交平台Threads以「地铁日常」为题上载相片发帖，指「啱先坐喺红磡站月台，有个阿婆行埋嚟指住我只脚隔离问：『你系咪跌咗嘢啊？』我望一望地下 ：「😓😓😓😓」，Fake（假装）到……」。
原来不少网民也被这个银色的银包仔骗了，排著队指：
•我都俾佢呃过……；
•呢个艺术品都俾佢Fake过；
•我都试过同人讲佢跌咗嘢；
•我都试过俾人提我跌咗嘢；
•其实我都试过特登行埋去睇系咪跌咗嘢；
•曾几何时我都见过你个情况，同一个地方；
•我都试过好似你咁，不过我系问问题𠮶个……；
•身同感受，坐喺度听听下歌俾人嗌我话我跌咗嘢；
•老实在下都俾呢旧嘢Fake过……然后内心曾澎湃地「顶」咗一声……
还有人详细地称：「昨日我坐喺凳上，我都有怀疑过系咪有人跌咗嘢，后尾有个女士好好，见到话有人跌咗，拎俾职员先，点知.....执唔起，话装饰品」、「我喺8月10日晚去睇Big Four演唱会经过呢度，离远见到有个银包喺凳底，好心通知行过的港铁男职员，点知佢话系艺术品嚟㗎！我吓咗一声，佢话都有好多人通知过佢哋，呢个Moment（时刻），此刻共对亦无言……」。
楼主：要呃晒全香港800万人
于是有网民表示「已经唔止一次喺Threads见到有人话被Fake」，楼主回应时笑言：「要呃晒全香港800万人」。
有知情的网民则淡定地表示「好耐喇呢嚿嘢」、「呢个红磡站设计嚟嘅」、「这是个考验人心的艺术装置，阿婆加分」、「个Qr code（二维码）系后加，开站嘅时候无」、「最早期无贴纸，俾人讲得多先加咗贴纸」。
真相大白后，之前不知就里的网民表示：
•几得意；
•好搞笑，第一次见；
•原来系咁，我困惑咗3年；
•隔离嘅喼就见过，完全唔知呢件咁细致嘅艺术；
•我成个月前都见过！！！一样！但附近无人！后加：睇咗几个留言……原来系艺术品……；
•我返工会喺红磡站转车，车厢落车正正会经过呢张凳，我有几日都见到呢个银包。心谂点解几日无人执起俾港铁，以为系无人见到，我都无理咁多照去返工，𠮶阵都未有呢张贴纸，依家见到终于知咩事……
资料来源：l______ch＠Threads
相关阅读：红磡站月台椅子下有宝执？ 网民眼甘甘：呢旧系咩嚟？↓↓↓↓
港铁红磡站新东铁月台有宝执？鞋子、手表、鸭舌帽、手帕、空瓶子、钱包和折扇⋯⋯各式物品散落月台椅子附近，像寻宝游戏般一一找出也挺有趣。
日复一日的往来，可曾发现艺术就在身旁、在脚下。红磡站月台的艺术品《失而复得》由香港艺术家林岚创作。有网民因为散落的钱包艺术品而遇上搞笑事，指「话说红磡站果度有好多呢啲艺术品，跟著果日有个阿婆坐个艺术品张凳上面啦，仲以为佢跌咗个散子包，我行过去问佢：婆婆，你系咪跌咗嘢呀，我帮你执返啦……跟住我发觉个散子包系硬，同执唔起嘅？原来系艺术品嚟㗎！？」。相片引来网民好奇，问「呢旧系咩嚟？」。
红磡站艺术品实况：
红磡站艺术品《失而复得》
根据港铁网页资料，《失而复得》由多个组件合成，分布车站不同位置。月台上，放有不同年代流行的行李款式石雕。在电梯旁贴有经典回乡尼龙袋图像。座位旁，则有由旧船和旧车回收而来的铝零件铸成失物，镶在地上：物件包括皱巴巴的手帕、空瓶子、旧帽子、钱包、时针腕表和鞋。艺术家林岚提醒：「别让岁月的记忆流走，也别迷失在大时代中。」
红磡站艺术品《失而复得》制作过程：
