巴士大叔「手足情深」 手指腳趾十指緊扣 網民作嘔：超核突｜Juicy叮
發佈時間：16:31 2025-09-14 HKT
一名大叔日前在巴士上盡情演譯了何謂「手足情深」。5隻手指公然與5隻腳趾緊扣的畫面，看得網民作嘔連場，驚呼「超核突」。詳情見下圖及下文：
巴士大叔「手足情深」 手指腳趾十指緊扣逐張睇↓↓↓↓
「手足情深」十指緊扣格局
樓主本月9日在社交平台Threads上載相片發帖，提醒「大家以後唔好坐關愛座」。從上載的相片可見，穿拖鞋的大叔，四字腳坐於巴士下層樓梯旁的關愛座，右手緊握座位前的扶手。
兩張相片無論是一遠還是一近，都清楚見到大叔戴有手錶的左手，與擱在左大腿上右腳掌的5隻腳趾互扣，形成「手足情深」的嚇人十指緊扣格局。
相關閱讀：港鐵車廂變啪啪聲修甲店 又銼又剪 馬尾女落車前遭乘客圍斥 「神蹟」反應嚇窒網民
網民：超核突
回應的網民覺嘔心，直指情況「超核突，我每朝搭巴士都鍾意坐呢個位」。接著有網民向樓主查問「幾多號巴士？」，獲樓主回應是「23M（樂華順利(循環線)）」。
樓主：幫佢隻腳做緊按摩
樓主還有問有答，熱情地與網民閒聊一番：
•網民：點解啲核突佬／核突婆咁鍾意捉住隻腳咁坐，貪佢香？坐得舒服咩？
樓主：我都唔知，我淨係知個位可能有菌。
•網民：有次搭巴士，有個坐關愛座嘅阿伯隻腳棟起踩落隔籬個位度（赤腳嘅，佢灰甲問題好嚴重，有香港腳）。佢見到我，就放返隻腳落嚟，示意讓佢踩過個位俾我坐，我直接直行直過坐後面算。
樓主：帶張濕紙巾去搭車。
•網民：十指緊扣，佢應該好鍾意自己隻腳。
樓主：幫佢隻腳做緊massage（按摩）。
另有網民搞笑地指這是「腳底按摩」、「越⋯⋯位⋯⋯按摩」、「養生」，形容手指和腳趾雙方「好恩愛」，更估計大叔「佢想拖手仔」、「阿伯冇得拖人手仔要拖自己腳，⋯咁祝佢白頭到老」，有人更加身體力行，自爆「頭先試咗吓，有戀愛嘅感覺」。
相關閱讀：後生仔機鐵剪腳甲剪到「啪」一聲 腳趾開花剪完一隻又一隻 網民狂轟
網民：緊握扶手
也有人醒覺，指「原來呢個係佢嘅扶手」，認為大叔正在「緊握扶手」、「傳說中嘅十指緊扣同埋緊握扶手，佢都做足」、「扶住巴士唔夠，要扶穩埋自己身體」，更加有人進一步思考，估計大叔完成這動作後，「然後緊握扶手」。
網民：可能香港腳發作
有人則正路地估計大叔可能「香港腳發作」；還有網民認為不應針對關愛座，指「唔關關愛座事，我有次坐巴士下層最後排望住對面個阿叔撩鼻屎撩捉全程，仲要時不時掉落地」。
於是有網民接力分享，稱「我琴日搭258D巴士（往來屯門(寶田邨)和藍田站）樓下個阿叔喺度撩鼻屎彈來彈去，我望住佢佢唔敢撩，我冇望佢就繼續撩，好核突喇」。
資料來源：hm._929a＠Threads
相關閱讀：惡阿伯輕鐵「歪理」剪指甲：「邊有規矩唔畀剪指甲啊！」目擊者：佢話自己住過美國又講英文↓↓↓↓
今年初，網絡熱傳有阿伯在輕鐵剪指甲被阻，竟發惡怒吼：「邊有規矩唔畀剪指甲啊！」並即場發表一輪「歪理」，令人側目，目擊乘客表示：「佢話自己住過美國又講英文。」
事發在3月28日，有兩名網民先後出帖講述該名阿伯的缺德行為，事件經過如下↓↓↓↓
