公屋成員搬走逾年拒除名被逼交倍半租 港男求救被教「奇招」施壓：佢會覺得煩｜Juicy叮
發佈時間：13:00 2025-08-03 HKT
有住在公屋的港男在社交平台發帖求助，他指家中有女成員已搬走逾年，但她堅持不會自願除名，也不會幫手交租，,現在「逼住入息審查要寫埋，搞到要交倍半租」。
目前房委會規定，公屋戶主雖可申請刪除不在單位內居住的成員，但被刪除成員（除已離世者），須在申請書上簽署已示知悉。換言之，若被刪除者不願簽名，戶主不能單方面刪除有關家庭成員。
公屋成員搬走逾年拒除名被逼交倍半租 港男求救被教「奇招」施壓：佢會覺得煩↓↓↓↓
有網民在「公屋討論區 - 香港facebook群組」FB專頁發帖表示：「屋企有一成員已搬走（一年以上），佢唔肯除名，逼住入息審查要寫埋佢，搞到要交倍半租，但佢一分一毫都冇出過，請問可以點做？」
樓主在回覆留言時補充，該公屋戶主是其父親，而已搬走逾年但拒絕除名的為一名女成員，樓主未有交代雙方關係，只強調：「佢都講到明唔會自願除名，都唔會畀錢交租。」
樓主：佢驚畀人飛可搬返嚟
該女成員搬走去「另一半到住」，但估計因為「可能驚遲吓畀人飛，就搬返嚟」，因此拒絕除名。該女成員「佢另一半都係公屋，唔會加（佢）名」，女成員住在另一半的公屋，亦不用付租。
樓主指該女成員每年在入息審查時，會「自己返嚟填（資料）」，他批評該女成員因不願除名，「搞到我哋租貴晒」。樓主曾就除名問題向房署查詢，獲回覆表示「要佢本人簽名先可以除名，呢樣最煩」。
網民：家家有本難唸的經
帖文引起熱議，有網民提醒樓主：「小心，萬一佢喺出面靜靜雞買咗樓，到時搞到你地瞞報就麻煩。」樓主則對此不太擔心：「佢應該冇呢個本事。」
有網民體諒該女成員不願除名的處境，指可能因為無法提交住址證明：「......佢去男朋友度住嘅都係公屋，如除名佢果邊亦加唔到名，咁住址證明畀唔到都係一個問題。因為理論上佢係唔可以入住人哋間公屋嘅。」不過，樓主不願妥協：「唔交租就除名，又唔肯除又唔畀錢pk。」
部分網民對此宗家事議論紛紛：「一家人無計。」「其實一家人好難計咁足......每個家庭總有啲衰親戚，面皮夠厚係乜都做得出。」「家家有本難唸的經。」「精到呢，隨時都可回頭返公屋住。」
有網民建議樓主「如實申報畀（房署）主任，會教你點做」。有網民則建議樓主一招施壓方法，可以致函房署「話佢無係度住由幾時幾月起，講話唔想違反租約，歡迎派人檢查」，該網民表示「房署亦會追佢簽名，間接比左壓力佢，因為佢話得係度住，就唔可以不報入息，佢唔肯報，房署也會要求佢除名」。
該網民表示，此招「只係畀壓力佢，不是說這樣照做可以馬上除名，係佢角度，房署打比佢，佢會覺得煩，身有屎果個係佢。」樓主對此招似乎甚有興趣，回覆表示「再問下先」。另有網民則建議可以用舉報濫用公屋機制向該成員作出警告：「佢唔交租就一得閒，就舉報佢男友住咗個非成員嘅人喺度。」
同場加映：派大圍公屋獲減租8個月 事主不解：單位非凶宅竟有大優惠？房屋署回應揭真相↓↓↓↓
