公屋成员搬走逾年拒除名被逼交倍半租 港男求救被教「奇招」施压：佢会觉得烦｜Juicy叮
发布时间：13:00 2025-08-03 HKT
有住在公屋的港男在社交平台发帖求助，他指家中有女成员已搬走逾年，但她坚持不会自愿除名，也不会帮手交租，,现在「逼住入息审查要写埋，搞到要交倍半租」。
目前房委会规定，公屋户主虽可申请删除不在单位内居住的成员，但被删除成员（除已离世者），须在申请书上签署已示知悉。换言之，若被删除者不愿签名，户主不能单方面删除有关家庭成员。
公屋成员搬走逾年拒除名被逼交倍半租 港男求救被教「奇招」施压：佢会觉得烦↓↓↓↓
有网民在「公屋讨论区 - 香港facebook群组」FB专页发帖表示：「屋企有一成员已搬走（一年以上），佢唔肯除名，逼住入息审查要写埋佢，搞到要交倍半租，但佢一分一毫都冇出过，请问可以点做？」
楼主在回复留言时补充，该公屋户主是其父亲，而已搬走逾年但拒绝除名的为一名女成员，楼主未有交代双方关系，只强调：「佢都讲到明唔会自愿除名，都唔会畀钱交租。」
楼主：佢惊畀人飞可搬返嚟
该女成员搬走去「另一半到住」，但估计因为「可能惊迟吓畀人飞，就搬返嚟」，因此拒绝除名。该女成员「佢另一半都系公屋，唔会加（佢）名」，女成员住在另一半的公屋，亦不用付租。
楼主指该女成员每年在入息审查时，会「自己返嚟填（资料）」，他批评该女成员因不愿除名，「搞到我哋租贵晒」。楼主曾就除名问题向房署查询，获回复表示「要佢本人签名先可以除名，呢样最烦」。
网民：家家有本难念的经
帖文引起热议，有网民提醒楼主：「小心，万一佢喺出面静静鸡买咗楼，到时搞到你地瞒报就麻烦。」楼主则对此不太担心：「佢应该冇呢个本事。」
有网民体谅该女成员不愿除名的处境，指可能因为无法提交住址证明：「......佢去男朋友度住嘅都系公屋，如除名佢果边亦加唔到名，咁住址证明畀唔到都系一个问题。因为理论上佢系唔可以入住人哋间公屋嘅。」不过，楼主不愿妥协：「唔交租就除名，又唔肯除又唔畀钱pk。」
部分网民对此宗家事议论纷纷：「一家人无计。」「其实一家人好难计咁足......每个家庭总有啲衰亲戚，面皮够厚系乜都做得出。」「家家有本难念的经。」「精到呢，随时都可回头返公屋住。」
有网民建议楼主「如实申报畀（房署）主任，会教你点做」。有网民则建议楼主一招施压方法，可以致函房署「话佢无系度住由几时几月起，讲话唔想违反租约，欢迎派人检查」，该网民表示「房署亦会追佢签名，间接比左压力佢，因为佢话得系度住，就唔可以不报入息，佢唔肯报，房署也会要求佢除名」。
该网民表示，此招「只系畀压力佢，不是说这样照做可以马上除名，系佢角度，房署打比佢，佢会觉得烦，身有屎果个系佢。」楼主对此招似乎甚有兴趣，回复表示「再问下先」。另有网民则建议可以用举报滥用公屋机制向该成员作出警告：「佢唔交租就一得闲，就举报佢男友住咗个非成员嘅人喺度。」
同场加映：派大围公屋获减租8个月 事主不解：单位非凶宅竟有大优惠？房屋署回应揭真相↓↓↓↓
