港鐵筲箕灣站附近拾獲三步不出閨門物品 惹起網民無限遐想 結果爆笑收場｜Juicy叮
發佈時間：13:20 2025-07-13 HKT
有好心人早前在港鐵筲箕灣站附近，拾獲一件本該是三步不出閨門的物品，交予港鐵職員有待失主認領的同時，也盡綿力把相片上載至facebook群組「香港失物報失及認領群組」代尋物主。豈料這件三步不出閨門的物品卻惹來網民的無限遐想，連樓主自己也始料不及，大家一同爆笑。詳情見下圖及下文：
港鐵筲箕灣站附近拾獲三步不出閨門物品 惹起網民無限遐想逐張睇↓↓↓↓
樓主筲箕灣站附近執到電視搖控
樓主6月30日先是發帖上載兩張相片，留言指「2025-06-30，0750咗右，係咪有人在筲箕灣站附近跌咗Sony搖控？我要趕返工，失主稍後到客服自行認領」。
樓主及後再更新留言：「[Update] 2025-06-30，1840咗右，收工返咗筲箕灣站交咗俾客服喇，估唔到引起大家無限遐想，哈哈！」，並在留言欄補充「可能物主搬運時唔留意跌咗，冇咗佢睇電視就唔方便」。
網民：去飲茶方便轉台
回應的網民對於這個基本上不會拿出街、三步不出閨門的電視遙控器為何流落街頭相當感興趣，查問「攞出街做乜？」。於是不少人硬要替這樁奇怪事想出個原因來——「袋住個電視遙控返工？」、「方便喺餐廳轉台」、「去飲茶，方便轉台」、「Lunch（午餐）食茶記嗰陣，方便轉台」。
網民：《富貴再逼人》董驃個遙控
有人甚至想起經典賀歲片《富貴再逼人》內，董驃那個能遙控肥肥和停頓世界的遙控——
•「《富貴再逼人》董驃個遙控」、
•「時間停止器」、
•「試試按暫停，看看身邊環境有無暫停！」、
•「呢位師兄你錯失咗一個好大個機會，你望落去其實係遙控器咁樣，其實佢係世界嘅停頓器，簡單啲嚟講係時間停頓器」、
•「我反而想試按Nicam（麗音）」。
網民：匆忙出門當手機
由於把搖控當手機有前科，不少網民都估計「可能以為係手機」、「匆忙出門當手機」、「嘩，會唔會以為電話攞出街」、
「想攞個電話發現變Ｘ咗遙控，嬲到掉咗！」。
還有人笑說「唔好睇呢個係搖控，其實佢係一部電話」、「佢外表係一個搖控器，實質係一個風筒」。有人則理性地估計，有可能是「家長拎埋返工唔俾小朋友睇電視」。
資料來源：Glen Lok＠facebook
相關閱讀：「失魂魚」搭車攞錯遙控當手機 網民：咁似亞視一姐「阿儀」嘅...↓↓↓↓
出街「失魂」起上來，有時搭港鐵過閘鎖匙當八達通卡用。2023年時，有網民在街上遇上「失魂記」，見到一名女子懷疑拿錯遙控器當手機，並以「出門急得滯嗎？」為題，將相片上載至facebook專頁「將軍澳主場」。
網民笑翻之餘，也自爆各種「失魂魚」經歷；雖然見不到面貌，樓主亦無列明地點，但有網民覺得，相中女子跟早前推出處女作ＭＶ《一加一等於阿儀》的「亞視一姐」薛影儀（阿儀）有點像——「咁似阿儀嘅」↓↓↓↓
