將軍澳商場炒扶手電梯 路人腳軟：同死神擦肩而過 街坊連環爆料：呢排小心呀｜Juicy叮
發佈時間：13:02 2025-07-12 HKT
將軍澳不同地區近日先後有扶手電梯懷疑出現毛病，幸而無釀成大意外。有街坊於是好心提醒「大家呢排要小心」，加強乘搭扶手電梯的安全意識。詳情見下圖及下文：
將軍澳商場炒扶手電梯 路人腳軟：同死神擦肩而過 街坊連環爆料逐張睇↓↓↓↓
樓主：扶手梯突然勁大聲響
樓主昨日（11日）下午在facebook群組「將軍澳主場」上載相片發帖，指遇上炒梯事件，擔心地形容「同死神擦肩而過」，指涉事的扶手電梯「突然之間勁大聲響停低，之後我行上去望，即刻掉頭走」。相中見到扶手電梯接近頂端的階級不平，有路人在梯前企定定觀察，另有一名女子踏上旁邊的扶手電梯後，回頭視察情況。
有昨日回應的網民認得涉事電梯位於坑口一商場，指「呢條電梯10日晚上都停過，頭先食飯前見停，食完又好返」、「近排見過呢條電梯運作期間急停過兩次，冇人受傷，估唔到今次炒埋」。
另有街坊連環爆料，提醒「大家呢排要小心」，因前天（10日）在坑口站A出口連接商場的電梯，「又係上上下突然停咗，前面幾個人爭啲向後碌落嚟，好彩個個企得穩」，其他街坊也和應，指這條電梯昨日「都Chok下Chok下」。
相關閱讀：從後守護婆婆搭扶手電梯 港鐵職員遊電梯河 網民大讚一絲不苟
加強搭扶手梯安全意識
還有人繼續爆料稱，昨日下午約4:30，寶林一商場的電梯也急停，幸而自己有捉實扶手。有見及此，不少網民在回應欄提醒要加強乘搭扶手電梯的安全意識：
•雙腳不應靠近級邊；
•還要喺扶手電梯上企定定，不要行；
•所以要握實扶手，啲人無危機感，仲掛住睇手機；
•所以見到有嬰兒車及腳患人士等等，我都會遠離幾步，甚至等他們上咗去先。
此外，有網民提到昨午在觀塘目睹驚險一幕：「在觀塘站上電梯時，有對每人拿一個大旅行喼的夫婦，見到這情景，我通常會留空幾級不會跟貼。當時有一男士跟上，意外就發生了，因女的跌倒，老公想扶但唔夠力，男士想扶都唔成功，結果大家一齊跌。好彩當時只有他們3人，有位女士馬上按停，才免釀成嚴重意外。所以見到拿喼的不要跟貼，希望大家平安」。
資料來源：Waiching Tuen＠facebook
相關閱讀：港鐵扶手梯「企定定」慘遭惡女回頭嘲 「左行右企」慣例仲有無？港鐵咁講...↓↓↓↓
2023年時，有市民在facebook指在港鐵站乘搭扶手電梯時乖乖企定定，但卻被一名中女怒罵唔識「左行右企」，覺得委屈。事件再次引發網民對「左行右企」的討論，有人重提「左行右企」的缺點，直斥中女「仲活在石器時代」。
樓主附上港鐵扶手電梯安全運動宣傳大使櫻桃小丸子的海報，發文大呻「剛才係（將軍澳線寶琳站）新都城電梯往下去港鐵月台，左右兩邊企咗人，有個中女係我後面話借開，讓咗畀佢後重要彈我一句，唔識左行右企呀！」。
為加強乘客使用扶手電梯的安全意識，港鐵2023年4月啟動本年度扶手電梯安全運動，並由卡通人物「櫻桃小丸子」擔任宣傳大使，推廣乘客使用扶手電梯時的6大貼士，包括樓主提到的「記得『握扶手，左右兩邊企定定』，不要在扶手電梯上走動」↓↓↓↓
