帶80歲父北上公審東鐵2女不讓座 港女：「香港啲優先座對老人家還有效嗎？」網揭關鍵謬誤｜Juicy叮
發佈時間：14:10 2025-07-02 HKT
有港女帶80歲父親搭東鐵北上深圳，由於老父腰脊有問題，她要求兩名女士讓座但被拒絕，令她非常不滿，在網上發照公審質問：「香港宜家的優先座位對老人家還有效嗎？」
帶80歲父北上公審東鐵2女不讓座 港女：「香港啲優先座對老人家還有效嗎？」網揭關鍵謬誤↓↓↓↓
有港女日前在社交平台Threads發帖發相，公審東鐵的兩名女子，批評她們拒絕給其80歲父親讓座。
該港女在帖文中表示：「今日同80歲老爸返深圳坐東鐵，由於老爸腰脊問（題），優先座位可否讓座，兩位女士拒絕讓座，請問：香港宜家的優先座位對老人家還有效嗎？」
公審兩女子 其中年輕少女無打格
照片中，被女事主公審的兩名女子，樓主只為其中一名女子打格，另一名年紀較輕少年則未有遮蔽出街。兩名女子均坐在中間位置，她們頭頂上有「優先座」的標籤，兩名女子身旁亦坐了3名男子。
帖文引發熱烈迴響，有網民奇怪樓主只公審兩名女子無讓座：「點解淨係問兩個女士？佢有冇問埋隔離個男士呀？」「係咪欺善怕惡見男人就唔敢問？」
道德綁架？網民：我畀足錢想坐下啫，都畀人影po上網？
部分網民又質疑，若老父腰脊有問題，何以仍選擇搭東鐵北上：「係孝順嘅，畀多幾千蚊你老竇搭的士過去啦。」「點解唔去頭等，大把位又舒服。」
有網民指出，優先座並非必須要讓座，「讓畀你只不過係人情」，「點解唔可以唔讓？我畀足錢想坐下啫，都要畀人影po上網？唔使下下道德綁架啩，我返咗成日工都好攰......」不少網民更點出樓主在事件中的關鍵謬誤，指該兩名女子所坐中間位置，並非優先座：「優先座係得2個，一係靠左或者右個2個，至少正中間個位女士唔係坐優先座。」照片所見，優先座應在左面位置，正有兩名上年紀男子坐著，兩名女子只是坐在優先座的旁邊，有網民相信樓主因「上面條彩帶係有可能誤導，以為五格都係關愛座」。
孕婦留言：人人都會攰 無人老馮要讓座畀任何人
有網民認為樓主應該同時體諒其他乘客，以不打格公審別人做法過份：「最重要條女果個唔係關愛座，同埋，就算係關愛座，條女可能都真係有需要坐囉，我識大把後生腰椎盤突出，女性又可能生理痛，唔係一定要80歲腰痛先係有需要囉。」
有孕婦亦留言表示明白「無人老馮要讓座畀任何人」：「我大肚都盡量避開繁忙時間搭地鐵，要搭就有心理準備無位坐企一陣，人人都會攰㗎啦。」
「必須」讓？港鐵：「鼓勵」讓座
有網民又建議樓主「始終啲凳都係硬」，「你想爸爸舒服啲建議你帶佢直接搭皇崗巴士，又或者call Uber算啦」。有網民亦體諒樓主關懷老父之心：「搭公共交通對行動不便嘅老人家都係辛苦，所以我覺得樓主冇講錯」。樓主其後刪走有關公審帖文。
自2009年起，所有港鐵車廂設有「優先座」，港鐵資料以「鼓勵」字眼表示，優先座是「鼓勵」乘客讓座予有需要人士，包括殘疾、人士、孕婦、長者、手抱嬰孩及不良於行的乘客。
同場加映：港女手術後搭港鐵遭阿婆逼讓座 拍打女事主手部不斷罵：「我有交稅你有無？」女事主咁回應惹議↓↓↓↓
