不小心倒瀉飲品弄污衫鞋 上環茶記侍應疑被逼私賠食客$780？目擊者：已道歉免單仍被食客吵罵成個鐘 大律師咁睇｜Juicy叮

上環一間茶餐廳昨日（29日）有侍應姐姐，因不小心倒瀉飲品，弄污食客衫和鞋，被食客糾纏吵鬧，最終懷疑被逼須私下向食客賠償780元，引發網民熱議。

有目擊者指，當時侍應姐姐已道歉及免單，但該些食客「都唔肯放過姐姐，要佢賠晒啲衫褲鞋襪錢，喺度大吵大鬧擾攘咗成個鐘」。

大律師陸偉雄接受《星島頭條》查詢指，指事件有商榷之處，詳情如下：

不小心倒瀉飲品弄污衫鞋 上環茶記侍應疑被逼私賠食客$780？目擊者：已道歉免單仍被食客吵鬧成個鐘 大律師咁睇...↓↓↓↓

有網民昨日（29日）在上環一間茶餐廳目睹事發經過，她在社交平台Threads發帖表示，該侍應姐姐「唔小心倒瀉杯嘢飲落枱面，流咗落去佢哋（食客）身上」。

侍應姐姐「之後道歉同免佢哋張單，但都唔肯放過姐姐，要佢賠晒啲衫褲鞋襪錢，喺度大吵大鬧擾攘咗成個鐘」，最後侍應姐姐「賠返對鞋錢（$780）佢哋先肯走」。

食客以普通話與侍應姐姐爭辯：她都是全濕的

樓主拍下食客與侍應姐姐糾纏的情況，片段中，一男二女食客正與一名侍應姐姐對峙爭辯，說話的主要為兩名女食客，均說普通話。

中間綠裙女子疑被飲品弄污衫褲鞋襪，她身旁的紅衫女子，以普通話向侍應姐姐指出：「她都是全濕的，全都是哪個奶，全都是哪個奶。」

綠衫女子特別抬起鞋子，向侍應展示，鞋子都弄濕了，之後在身上比劃著說：「全都是（濕）。」

侍應姐姐問：鞋子多少錢？ 兩女食客錯愕：吓？

侍應姐姐這時以普通話問：「你現在鞋子多少錢？」兩名女子有點錯愕問：「吓？」侍應姐姐再問一次，兩名女子答道：「780塊，780塊。」

侍應姐姐聽罷揮揮手大聲說：「哎呀，我給780塊錢給你，好啦，行了，好不好？」這時兩名女子即時「收火」，並不約而同點頭輕聲說：「好，好。」

雖然樓主在帖文中指食客獲「免單」，但侍應姐姐以港式普通話接著說：「你埋埋這張單，我賠一下錢給你。」兩名女子隨侍應姐姐走向收銀處，影片至此結束，未知後續。

有網民稱「跟過」該侍應姐姐：$780餐廳會畀

帖文引發熱議，有女網民留言表示熟悉該茶餐廳運作，及認識片中該侍應姐姐，指「以前有跟過佢一陣」，並謂事件並非如樓主所言由侍應姐姐「私下」賠錢，780元賠償會由茶餐廳出。

該網民表示，該茶餐廳的經理「話得事」，「$780餐廳會畀。」她又指出，雖然自己未做過該茶餐廳，但「跟過」片中侍應姐姐「一陣」，指該侍應姐姐「係幾撐員工」，似暗示片中的侍應姐姐並非涉事員工，而是代員工出頭與食客周旋。

該網民表示：「我覺得佢會撐班員工，佢出聲餐廳會畀，你見佢直接同收銀講拎780就知，員工邊有咁嘅權力，呢間鋪基本係佢睇。」

不過，有網民質疑這位網民的說法：「唔見咗780元，公司數嗎？點埋數？」該網民則回應：「你真係當人哋普通員工。」

反應兩極 有人願代侍應賠錢：$780可能係佢全日工資

其他網民對事件反應兩極，有網民認為侍應姐姐只是無心之失， 既已道歉及免單，食客不應吵鬧成個鐘：「免咗張單，多數都算了......何必為難人？」「得饒人處且饒人係一種修養。」

有網民指侍應姐姐如私下賠錢，「$780可能係佢全日工資」，估計「依家市道差，份工可能對姐姐好重要」，為免麻煩而選擇「硬食」，「選擇自己私了賠錢。」

有網民因此留言表示會找該茶餐廳，為該侍應姐姐「埋單」即代出780元賠償。

網民質疑$780報大數：收據呢？證據呢？

有網民指出，根據勞工法例，員工涉及工作的賠償不能多於300元：「希望佢睇到個Po，同公司講返，工作賠償價錢有法例規定嘅$300。」「香港勞工法例都係三舊！超過300就報警。」

有網民又質疑食客指該對鞋價值780元是報大數，有人找到網上疑似同款鞋，價值均低於780元：「佢講$780就$780？收據呢？證據呢？我話$1000係咪就係$1000？」

「其實賠清潔費唔係合理啲咩！對鞋原價$780又點，有單據嗎？無嘅話，價錢任佢講㗎咋喎！對鞋著過又有折舊，痴鬼線！」

有人更指出，侍應既已賠錢，食客應「留低對鞋」：「雖然倒瀉嘢，要公司賠清潔費係合理，但要工賠full pay真係唔該留低對鞋，大吵大鬧更加係人格問題。」

有網民撐食客：有財物損毀，索償好合理

不過，有網民則認為侍應弄污食客衫鞋，賠償理所當然：「有咩問題，你真係整到人哋對鞋wor大佬......關個客Ｘ事。」

「你店員唔想賠可以報警㗎，個客提出要求有咩問題，佢無端端畀你搞到仲要佢去讀法例？」

「要賠好正常呀，係態度同銀碼令啲網友吹風向啫，不小心又點？有財物損毀，索償好合理。」「以事論事，要求賠償唔覺有咩錯。」

大律師：食客應向餐廳而非員工索償 質疑有人開天殺價

大律師陸偉雄接受《星島頭條》查詢時表示，若員工在工作上有失誤，在法例上不應由員工私人承擔，事件中的食客若覺得有損失，應向餐廳而非員工索償。

餐廳賠錢後，根據勞工法例，資方若再向員工追討，最多亦只可追討上限300元的賠償。

他表示，員工為息事寧人，和食客和解，私下賠償，並無法例禁止，但指出，事件中食客提出賠償780元，有開天殺價之嫌，他認為金額並不太合理，從片段中不覺得是貴重衣物，至於該對鞋，本身亦有折舊，一般賠償清潔費用比較合理。

來源：ngayeezuky＠Threads

同場加映：灣仔泰國菜餐廳驚現「偷窺沖涼景」 與民居近在咫尺 食客勁尷尬：成餐飯睇住佢沖涼↓↓↓↓