港女手術後搭港鐵遭阿婆逼讓座 拍打女事主手部不斷罵：「我有交稅你有無？」女事主咁回應惹議｜Juicy叮
發佈時間：14:16 2025-06-23 HKT
有做完手術的港女搭港鐵，雖並非坐關愛座，但卻被一名婆婆不斷拍手要求讓座，該婆婆不斷罵女事主，質問她：「我食鹽多過你食米......我有交稅你有無？！」「點解我80歲無得坐，你30歲就有得坐？！」
女事主即時作出以下回應，引起網民熱議：
港女手術後搭港鐵遭阿婆逼讓座 拍打女事主手部質問：「我有交稅你有無？」女事主咁回應...↓↓↓↓
女事主在社交平台Threads分享日前搭乘港鐵，她當時「返工又做完婦科手術」，「好攰又無氣無力」。
當時有人落車，女事主坐了該位置，她強調坐的位置「唔係關愛座」。未幾，一名婆婆「拍我隻手叫我讓位畀佢」，女事主指該婆婆「佢覺得我搶咗佢個位」「不停鬧我」，「又話點解我80歲無得坐，你30歲就有得坐」。女事主「忍唔住」反擊，女事主回應說：「我畀full fare，你先畀2蚊，你要坐，你可以坐返屬於你既關愛座。」
非坐關愛座 女事主：坐隔鄰阿姨一齊畀説話我聽
婆婆聞言似乎未有退縮，繼續「話我食鹽多過你食米......我有交稅你有無」，女事主再回應說：「我都有交稅！」但婆婆仍罵她:「如果要坐就同政府講總之就一直瘋狂鬧我。」
女事主形容婆婆「好氣好力，個樣仲好精神，唔似返工又做完婦科手術既我，好攰又無氣無力」。
她又指，坐在隔鄰的一名「阿姨」，「同佢一齊畀説話我聽，但又唔讓自己個位畀佢」。
網民反應兩極籲要有同理心
帖文引發熱議，反應兩極，有網民認為女事主應該讓座給長者：「其實讓坐畀老人家好基本，係你無同理心，完。」「想知如果嗰個係你阿媽，你會唔會照坐？」
不過，部分網民則指女事主本身亦因做完手術，身體疲倦，讓坐與否不能強逼：「可以讓，但不要道德綁架同情緒勒索，老人都有好多種，唔係每一種都值得人幫值得人讓值得人尊重！」
「你咁有同理心，又唔見你識得同理吓樓主啱啱做完手術？」
長者網民：我唔會要啲後生讓座 人哋返工仲攰
有長者留言表示絕不會要求後生仔讓座：「我係老人家，但我唔會要啲後生讓座，特別係返／放工時間，人地返咗工起碼8個鐘，攰係睇唔出，佢地讓我都話唔使。」
有網民亦表示，家中長輩都體諒後生仔返工辛苦，不會勉強他們讓座：「我媽咪70歲出街篤住拐杖搭地鐵（中過風），有人讓座佢都唔坐，佢話人哋返工仲攰。」
有網民則認為兩者均各有對和不對之處：「你有權不讓座，她罵你是她不對，你post人上網公審開埋樣是你不對。」
同場加映：港鐵阿婆「舉中指」逼少女讓關愛座 被拒手機反拍女事主斥：「你唔係香港人啊？你無家教㗎！」↓↓↓↓
