港女手术后搭港铁遭阿婆逼让座 拍打女事主手部不断骂：「我有交税你有无？」女事主咁回应惹议｜Juicy叮
发布时间：14:16 2025-06-23 HKT
有做完手术的港女搭港铁，虽并非坐关爱座，但却被一名婆婆不断拍手要求让座，该婆婆不断骂女事主，质问她：「我食盐多过你食米......我有交税你有无？！」「点解我80岁无得坐，你30岁就有得坐？！」
女事主即时作出以下回应，引起网民热议：
港女手术后搭港铁遭阿婆逼让座 拍打女事主手部质问：「我有交税你有无？」女事主咁回应...↓↓↓↓
女事主在社交平台Threads分享日前搭乘港铁，她当时「返工又做完妇科手术」，「好攰又无气无力」。
当时有人落车，女事主坐了该位置，她强调坐的位置「唔系关爱座」。未几，一名婆婆「拍我只手叫我让位畀佢」，女事主指该婆婆「佢觉得我抢咗佢个位」「不停闹我」，「又话点解我80岁无得坐，你30岁就有得坐」。女事主「忍唔住」反击，女事主回应说：「我畀full fare，你先畀2蚊，你要坐，你可以坐返属于你既关爱座。」
非坐关爱座 女事主：坐隔邻阿姨一齐畀说话我听
婆婆闻言似乎未有退缩，继续「话我食盐多过你食米......我有交税你有无」，女事主再回应说：「我都有交税！」但婆婆仍骂她:「如果要坐就同政府讲总之就一直疯狂闹我。」
女事主形容婆婆「好气好力，个样仲好精神，唔似返工又做完妇科手术既我，好攰又无气无力」。
她又指，坐在隔邻的一名「阿姨」，「同佢一齐畀说话我听，但又唔让自己个位畀佢」。
网民反应两极吁要有同理心
帖文引发热议，反应两极，有网民认为女事主应该让座给长者：「其实让坐畀老人家好基本，系你无同理心，完。」「想知如果𠮶个系你阿妈，你会唔会照坐？」
不过，部分网民则指女事主本身亦因做完手术，身体疲倦，让坐与否不能强逼：「可以让，但不要道德绑架同情绪勒索，老人都有好多种，唔系每一种都值得人帮值得人让值得人尊重！」
「你咁有同理心，又唔见你识得同理吓楼主啱啱做完手术？」
长者网民：我唔会要啲后生让座 人哋返工仲攰
有长者留言表示绝不会要求后生仔让座：「我系老人家，但我唔会要啲后生让座，特别系返／放工时间，人地返咗工起码8个钟，攰系睇唔出，佢地让我都话唔使。」
有网民亦表示，家中长辈都体谅后生仔返工辛苦，不会勉强他们让座：「我妈咪70岁出街笃住拐杖搭地铁（中过风），有人让座佢都唔坐，佢话人哋返工仲攰。」
有网民则认为两者均各有对和不对之处：「你有权不让座，她骂你是她不对，你post人上网公审开埋样是你不对。」
同场加映：港铁阿婆「举中指」逼少女让关爱座 被拒手机反拍女事主斥：「你唔系香港人啊？你无家教㗎！」↓↓↓↓
