青衣公屋「鬼影」鄰居 晚晚行過窗前「裝裝貢」 被揭發後咁解釋都得？！｜Juicy叮
發佈時間：11:14 2025-06-19 HKT
青衣長青邨驚現「鬼影」鄰居，晚晚行過都在窗前上上下下「裝裝貢」（裝的粵語正字為「䁓」），事主嚇壞之餘還不勝其煩，大膽揭發後，對方卻找藉口開脫急步離開，但「裝裝貢」情況卻日復一日沒有停。網民都心急起來，提供不少對付妙法。詳情見下圖及下文：
青衣公屋「鬼影」鄰居 晚晚行過窗前「裝裝貢」逐張睇↓↓↓↓
樓主：成日喺個窗口望望望望
樓主上月尾在facebook群組「青衣街坊吹水會」上載一段長約27秒的短片發帖，留言指「好奇怪囉，成家人有屋企唔返，成日喺個窗口望望望望，都幾搞笑。俾人捉Ｘ到正仲死口唔認青Ｘ樓嘅鄰居」。
片中見到大門旁關上的百頁氣窗外，有人影在停留和移動。樓主回應網民時自爆「冇養狗」，重申「真係吖，每一晚，佢哋每家人都鬼鬼祟祟咁望」、「都唔明嘅，睇到咁都話搵鎖匙」。
有網民於是建議「立即開口大叫」，樓主回應指，「有試過，今次唔係第一次半次，如，亦都試過打開窗Ｘ過 ，都係日日如是」、「由佢哋搬嚟後，每一晚佢哋每一個人返屋企都係咁嘅，超得人驚，有時沖完涼行返出去，見到有人喺窗裝裝下，超恐怖，都唔知佢哋咩事」。
相關閱讀：公屋「好鄰居」掛八卦兼舉報富戶 網民驚爆更震撼陣法：香艷ＸＸ左右開弓
樓主在回應欄熱心回應網民提問：
•網民：係咪伯伯？ 如果係伯伯嘅話又可能要唞順條氣先可以再行。
•樓主：目測40（歲）壯年。
•網民：似想偷嘢。
•樓主：真係唔知，人心難測。
相關閱讀：住宅鐡閘纏滿神器 八卦天眼七星陣嚇壞網民 大門仲暗藏一駭人絕招
網民心寒提供應對妙招
網民看過短片後均感心寒，留言指「好驚」、「好恐怖」、「佢哋想典」、「其實可以望到啲乜？」、「有咩好望？好奇睇下？；有人抱著陰謀論估計：應該係覺得沒人，想向房署舉報」。
有網民搞笑地提出不少反擊建議「貼個門神」、「貼個鬼樣喺個窗度」、「突然開門大叫，肯定嚇Ｘ死佢」、「貼反光玻璃紙俾佢照下自己個衰樣」、「好恐怖......比我會用牆紙封咗個窗」、「真係好恐怖，用啲深色嘅紙封住個窗 」、「掛隻黑鑊！加多個卦！放喺窗出面！睇呀啦」。有人則正經地教路「去管理處投訴」、「報警搵社工搞掂佢」。
還有人自爆個人經驗提倡與對方溝通：「你唔試下問對面咩事，我曾經搬入屋幾個月後屋企勁多蟻，原來啲螞蟻喺屋外搬竇嗰陣走入嚟，我都喺走廊搵源頭搵咗好耐。佢望又唔似係要裝你屋內環境嗰種，鄰居了解下化解誤會咪仲好」。
資料來源：樂樂＠facebook
相關閱讀：上水公屋戶貼猙獰女鬼照 自製驚恐走廊 房署最後咁處理↓↓↓↓
上水有公屋住戶，在氣窗貼滿猙獰的女鬼照，令走廊彌漫一片恐怖氣氛，有鄰居形容深夜歸家時，「一步一驚心」。事件最後引來房屋署介入，有網民亦分享現場最新的實拍照，該恐怖住戶懷疑又有「新搞作」。
涉事公屋單位在上水彩園邨，2024年6月25日，有網民在「香港交通突發報料區突發事故資迅谷」FB專頁，發帖指有單位住戶，在向走廊的氣窗，貼上4隻紅衣女鬼照，樣貌猙獰，引起鄰居不安，事件最新發展及房署處理方法，如下：↓↓↓↓
