青衣公屋「鬼影」邻居 晚晚行过窗前「装装贡」 被揭发后咁解释都得？！｜Juicy叮
发布时间：11:14 2025-06-19 HKT
青衣长青邨惊现「鬼影」邻居，晚晚行过都在窗前上上下下「装装贡」（装的粤语正字为「䁓」），事主吓坏之余还不胜其烦，大胆揭发后，对方却找借口开脱急步离开，但「装装贡」情况却日复一日没有停。网民都心急起来，提供不少对付妙法。详情见下图及下文：
青衣公屋「鬼影」邻居 晚晚行过窗前「装装贡」逐张睇↓↓↓↓
楼主：成日喺个窗口望望望望
楼主上月尾在facebook群组「青衣街坊吹水会」上载一段长约27秒的短片发帖，留言指「好奇怪啰，成家人有屋企唔返，成日喺个窗口望望望望，都几搞笑。俾人捉Ｘ到正仲死口唔认青Ｘ楼嘅邻居」。
片中见到大门旁关上的百页气窗外，有人影在停留和移动。楼主回应网民时自爆「冇养狗」，重申「真系吖，每一晚，佢哋每家人都鬼鬼祟祟咁望」、「都唔明嘅，睇到咁都话揾锁匙」。
有网民于是建议「立即开口大叫」，楼主回应指，「有试过，今次唔系第一次半次，如，亦都试过打开窗Ｘ过 ，都系日日如是」、「由佢哋搬嚟后，每一晚佢哋每一个人返屋企都系咁嘅，超得人惊，有时冲完凉行返出去，见到有人喺窗装装下，超恐怖，都唔知佢哋咩事」。
相关阅读：公屋「好邻居」挂八卦兼举报富户 网民惊爆更震撼阵法：香艳ＸＸ左右开弓
楼主在回应栏热心回应网民提问：
•网民：系咪伯伯？ 如果系伯伯嘅话又可能要唞顺条气先可以再行。
•楼主：目测40（岁）壮年。
•网民：似想偷嘢。
•楼主：真系唔知，人心难测。
相关阅读：住宅鐡闸缠满神器 八卦天眼七星阵吓坏网民 大门仲暗藏一骇人绝招
网民心寒提供应对妙招
网民看过短片后均感心寒，留言指「好惊」、「好恐怖」、「佢哋想典」、「其实可以望到啲乜？」、「有咩好望？好奇睇下？；有人抱著阴谋论估计：应该系觉得没人，想向房署举报」。
有网民搞笑地提出不少反击建议「贴个门神」、「贴个鬼样喺个窗度」、「突然开门大叫，肯定吓Ｘ死佢」、「贴反光玻璃纸俾佢照下自己个衰样」、「好恐怖......比我会用墙纸封咗个窗」、「真系好恐怖，用啲深色嘅纸封住个窗 」、「挂只黑镬！加多个卦！放喺窗出面！睇呀啦」。有人则正经地教路「去管理处投诉」、「报警揾社工搞掂佢」。
还有人自爆个人经验提倡与对方沟通：「你唔试下问对面咩事，我曾经搬入屋几个月后屋企劲多蚁，原来啲蚂蚁喺屋外搬窦𠮶阵走入嚟，我都喺走廊揾源头揾咗好耐。佢望又唔似系要装你屋内环境𠮶种，邻居了解下化解误会咪仲好」。
资料来源：乐乐＠facebook
相关阅读：上水公屋户贴狰狞女鬼照 自制惊恐走廊 房署最后咁处理↓↓↓↓
上水有公屋住户，在气窗贴满狰狞的女鬼照，令走廊弥漫一片恐怖气氛，有邻居形容深夜归家时，「一步一惊心」。事件最后引来房屋署介入，有网民亦分享现场最新的实拍照，该恐怖住户怀疑又有「新搞作」。
涉事公屋单位在上水彩园邨，2024年6月25日，有网民在「香港交通突发报料区突发事故资迅谷」FB专页，发帖指有单位住户，在向走廊的气窗，贴上4只红衣女鬼照，样貌狰狞，引起邻居不安，事件最新发展及房署处理方法，如下：↓↓↓↓
