佐敦大叔撞少女「手部動作」掀非禮爭議 網民反應兩極：無心之失定明抽水？｜Juicy叮
發佈時間：13:42 2025-06-17 HKT
有網民在佐敦街頭拍到一名大叔撞少女的畫面，大叔的「手部動作」惹起關注熱議，有網民懷疑他「乘機抽水」，有非禮之嫌，但有網民則認為是無失之失。
有關事件影片在網上熱傳，當時情況如下：
佐敦大叔撞少女「手部動作」掀非禮爭議 網民反應兩極：無心之失定明抽水？↓↓↓↓
有網民在社交平台Threads發布一段影片，樓主指因為偷偷接朋友放工，打算拍下當時情況，未料卻「意外影到呢下」，片中大叔撞少女的一個突兀動作，令樓主反問：「係我多心定係佢突登？」
樓主發布的影片，看到一名短裙少女在街頭邊行邊睇手機，這時身旁一名穿橙色衫的大叔，突然急步走近，在少女身旁擦身而過，其手及膊頭均挨碰到少女，其中手部挨碰的位置，近少女腰際近臂部的「敏感位置」，惹來網民關注及熱議。
片中看到當時少女未有理會，但大叔擦身而過後，突扭轉面看看少女，之後揚長而去。
畫面看到當時街頭有不少行人，但並非人迫人的超級擠湧情況。
網民：手可以唔放pat pat位置
帖文引發熱烈迴響，反應兩極。部分網民認為大叔有藉機非禮的嫌疑，有網民指出疑點有三：「一、撞人，手可以唔放pat pat位置；二、咁大條路可以唔使黐住人哋行，基本功德心......三、摸完人，仲要望人靚唔靚女？（咁都叫唔係特登？......」
有網民指出，當時街上並非去到人迫人情況，「咁大條路隔離又冇人，明抽水。」「阿叔右邊都冇人，所以嫌條女行得慢，乘機撞落去抽水。」
「阿叔隻手掂到晒喎，條路有冇逼到要行咁貼，講聲唔該借借好難？唔好話係咪非禮，就算同性咁撞法都冇禮貌啦，同啲渣人們有乜分別。」
網民：阿叔不滿少女阻路
不過，部分網民則認為大叔只是無心之失，撞及少女似為不滿她阻道：「我唔覺特登，阿叔仲要回望果下，眼神似不屑佢行路掛住禁電話。」「明顯條女慢吞吞，阻住晒條路，啊(阿)叔睇唔過眼撞佢啦。」
「側身避住都爭啲唔夠位行呀，Ｘ你玩電話企埋邊啦，回頭果下係Ｘ你老母阻Ｘ住，明唔明？成日覺得人非禮，唔好諗太多啦......」
來源：chankweilin＠Threads
同場加映：銅鑼灣男疑偷拍朋友裙底春斷正 網民直擊過程：Ｘ街到連熟人都落手 最後一舉動感恐怖↓↓↓↓
