進化版「呃食黨」屯門橫行 推BB車猖狂做一事討飯錢 網民替人妻驚一驚：買大送細似追家用｜Juicy叮
發佈時間：15:48 2025-05-30 HKT
進化版「呃食黨」屯門橫行。一名推著BB車的婦人日前為討飯錢，在街頭做出猖狂一幕。網民了解情況後，也替事主的妻子驚一驚，指這類進化版「呃食黨」的舉動，大有買大送細追家用的況味。網民還爆出近日冒起的另一款懷疑騙案新手法。詳情見下圖及下文：
進化版「呃食黨」屯門橫行 推BB車猖狂做一事討飯錢逐張睇↓↓↓↓
樓主：女人拍車窗叫我老公買飯
人妻樓主本月28日在facebook群組「真.屯門友」上載相片發帖，指「今日喺置樂買餸，我老公喺車等。呢個女人拍車窗話個細路冇飯食，叫我老公買飯俾佢。跟住我上車，我哋就開車冇理佢，轉頭佢就周圍搵人買飯俾佢。依家香港就係俾呢啲人，攪到本來已經僅有嘅同情心都消耗埋」。
對於貿貿然拍車窗的猖狂舉動，回應的網民形容情況「咁瘋狂」，反問「一盒飯都要乞？」、「細路冇飯食佢做阿媽嘅去買啦，仲問人」、「難為個小朋友，求小朋友成長心理因素」。
由於相中的短褲女子穿載光鮮，孭疑似名牌手袋，和穿疑似名牌球鞋，有好眼力的網民稱「佢著得咁光鮮，唔係諗住我哋會中計嘛！」、「有錢買名牌手袋無錢開飯？」、「問得出先好嘢，對鞋都幾百蚊無錢食飯？」。
相關閱讀：中年漢得6蚊唔夠錢食快餐店早餐 港女接濟20元 結果意想不到！
網民：呢壇嘢似追家用
有人甚至覺得「呢壇嘢似追家用」，建議人妻樓主「反而問清楚妳老公好喎……」；人妻樓主則回應：「咁呢個女人都好忙，成條街追家用」。於是有人估計「買大送細，實有人俾錢。就係因為有人俾人先越嚟越多。專向男士埋手」。說起買大送細的推BB車「呃食黨」，其他網民也曾遇過：
•我喺天水圍遇過一樣咁款推住BB車，講到慘慘問借錢搭車返深圳；
•我喺元朗都撞過…一個男人…又係推住架小朋友車…問我可唔可以買嘢俾佢個仔食…；
•之前喺柏麗（廣場）嗰邊都有，仲要一家三口，小朋友坐BB車，佢哋話喺大陸落嚟玩，唔見咗銀包，無錢食飯&（和）搭車，我話幫佢哋報警，佢哋即刻轉身走。
甚至有人表示，「呃食黨」「試過入鋪頭問借錢」。於是有網民感嘆「公公婆婆幾多自己執紙箱過活，都唔會咁樣周街叫人買飯俾佢，呢啲咁後生有手有腳」，建議不如「介紹份工俾佢，成日游手好閒」。
疑似新騙案手法
在回應欄內，人妻樓主還講述近日出現的疑似新騙案手法——「其實近排都有新嘢，唔知騙子還是真嘅。鄰居上星期喺輕鐵站，被個女人問借廿蚊搭車，即時用轉數快俾返，我就覺得有問題，好似想要人電話號碼多過真係冇錢搭車」。
資料來源：Joanne Lam＠facebook
相關閱讀：身光頸靚「呃飯黨」出沒 長髮女向男子落手 當街嗌ＸＸ、ＸＸ↓↓↓↓
「呃飯黨」、「呃食黨」等騙徒肆虐香港，今年初疑出現「身光頸靚」的變種，有網民甚至直擊一身名牌的長髮女子，準備向獨行男子落手的經過。↓↓↓↓
