奇景！尖沙咀鐘樓「篤」月亮魚蛋 天文台揭捕捉罕見畫面時刻：滿月唔一定喺農曆十五｜Juicy叮
發佈時間：11:42 2025-05-22 HKT
尖沙咀鐘樓「篤」出了一場晃在維港晚風裏的煙火氣。炸魚蛋似的月亮黃澄澄、油滋滋地浮在夜空，避雷針像竹簽把月亮魚蛋擢住，串起了一座不夜城的燈火。藉著照片，香港天文台揭開了捕捉罕見畫面的時刻，特別提醒市民「滿月唔一定喺農曆十五日」，變數可多。詳情見下圖及下文：
尖沙咀鐘樓「篤」月亮魚蛋和滿月靚相逐張睇↓↓↓↓
相關閱讀：「拜年裝」橙紅明月掛維港夜空 送龍迎蛇前有預示？ 天文台咁講
香港天文台facebook日前以「月亮魚蛋串」為題上載網民美拍，指「最近有朋友影到超得意畫面——圓碌碌嘅月亮『篤』喺鐘樓嘅避雷針上，睇落似『篤魚蛋』咁！拍攝當刻正值農曆十五（5月12日）晚上7點，月亮睇落已經相當飽滿，呢粒『魚蛋』又光又圓，但其實仲差幾個鐘先到真正嘅『滿月』㗎！」
天文台解釋「事實上滿月唔一定喺農曆十五日，因為農曆係跟月相變化週期而制定，一個週期大約要29.53日，月亮由新月到滿月要約14.77日，唔係整數，所以真正嘅滿月『月圓之時』取決於新月發生喺初一嘅咩時間」。
相關閱讀：農曆七月十四多區現「月華」驚艷市民 一文拆解點形成【多圖】
天文台：農曆十四至十七有機會滿月
天文台續稱，「加上月球唔係以恆定嘅速度圍繞地球運行，因此滿月喺農曆十四至十七都有機會出現㗎！（圖：Nero Sin / 2025年5月12日 / 尖沙咀 / #CWOS）#月亮 #月相 #滿月 #社區天氣觀測計劃」
天文台在回應欄作補充，指「想知幾時先滿月？」，可瀏覽天文台網頁的「月相的日期及時間資料」，當中有2025-2027年的資料，以「上弦月」、「滿（望）月」、「下弦月」、「新（朔）月」這4個月相為一個循環。其中5月的滿月為13日（農曆十六）00:56，所以天文台在fb的帖文稱「拍攝當刻正值農曆十五（5月12日）晚上7點，月亮睇落已經相當飽滿，呢粒『魚蛋』又光又圓，但其實仲差幾個鐘先到真正嘅『滿月』㗎！」；而下一個滿月，將於6月11日（農曆十六）15:44出現。
相片吸引網民留言讚「好美」和「靚」，另有人上載大月亮美拍，指，「只要大氣清澈，滿月東升是很美的景象」。
相關閱讀：天眼大開？尖東夜空驚現「彩虹繞月」奇景 天文台話唔係彩虹係呢樣嘢......↓↓↓↓
2023年中，本港彩虹大平賣，FB被各區出現的彩虹洗版。6月7日晚上，維港上空更驚現「彩虹繞月」奇景，網友嘩聲四起，形容為「天眼」。
天文台在FB轉載網民在尖東拍攝到的美景時則解釋，圍繞著月亮的彩色光環並不是彩虹，而是「月華」。天文台指，「華」這種光學現象，在月亮和太陽周邊都有機會出現，當月光或陽光穿過薄雲層、薄霧或霧中的的小水滴或冰晶，便會產生繞射作用，形成以太陽或月亮為中心的彩環↓↓↓↓
