阿叔大鬧爭鮮掟錢辱女店員：「同我數夠千五蚊豉油！」惡行惹公憤遭全店食客轟走：影衰香港人｜Juicy叮
發佈時間：11:10 2025-05-12 HKT
網上昨日（11日）晚上瘋傳有阿叔大鬧爭鮮迴轉壽司店，他因不問自取店內豉油被阻，惱羞成怒竟掏出5百元紙幣，掟錢侮辱女店員：「你搞我啊嘛，係咪你搞我啊！......同我數夠千五蚊豉油！」
其囂張行為惹來全店食客公憤，紛紛起哄怒轟該大叔「恰女人」「影衰晒香港人」。
阿叔大鬧爭鮮掟錢辱女店員：「同我數夠千五蚊豉油！」惡行惹公憤遭全店食客轟走：影衰香港人↓↓↓↓
事發地點為彩虹坪石邨的爭鮮迴轉壽司分店，有在現場的網民在社交平台Threads發帖，公開當時情況的兩段影片。
該大叔戴白色Cap帽，樓主指他到來買外賣，「阿叔就嫌豉油少得滯，所以自己隨手攞多幾包，問都唔問下，所以店員就當然提點一下」，結果阿叔跳掣大發雷霆。
掟錢命令女店員：「數啊！」「再數啊！」「再數啊！」
影片顯示，大叔對著女店員喪爆粗破口大罵：「你講嘢！我Ｘ你老母！我無錢買嘢啊？！無錢食飯啊依家？！」當時現場食客未有理會他。
大叔越罵越火，一句「Ｘ你老母臭Ｘ」後，多次將錢掟在枱上，樓主指：「阿叔當時攞咗張500蚊紙出嚟，話要買晒所有豉油。」
片段中阿叔多次做出大力掟錢的動作，並伴隨怒罵：「數啊！」「再數啊！」「再數啊！」似為要求女店員按金額，數足夠數量的鼓油賣給他。
「我嚟買嘢食，攞兩個鼓油，你同我講嘢！」
女店員這時好言相勸，希望大叔冷靜，但大叔仍怒氣沖沖以粗口狂罵：「係啊Ｘ你老母啊！係咪無錢食飯？！無錢食嘢啊？！我依家係咪同你講，無錢食飯啊依家？！」
女店員回應說：「我唔理你有無錢食飯......」大叔怒喝打斷她說話：「我依家係咪同你講無錢食飯？！你搞我啊嘛，係咪你搞我啊？！」女店員連番否認：「唔係啊，唔係啊。」
大叔指斥道：「我嚟買嘢食，攞兩個鼓油，你同我講嘢！」
他望一望枱上銀紙：「得！你同我數！數夠千五蚊鼓油！無錢啊依家！Ｘ你老母！」
現場食客：夠薑去九記
女店員繼續好言相勸：「先生，唔好咁激動！」大叔繼續發火：「乜嘢激動啊，我依家唔係嚟乞食，我依家嚟買嘢食啊！知唔知啊？知唔知啊！」大叔不停謾罵，女店員則不斷叫大叔「唔好咁激動」。
影片傳來現場食客私下對話，有人認為該大叔「鬧幾句咪算囉」，又表示該大叔欺善怕惡：「你試下九記啊，打Ｘ你啊！」「夠薑去九記囉。」「賣畀佢囉，佢依家要千五蚊鼓油啊。」
大叔得戚舉雙手 笑迎全場噓聲
樓主在帖文中表示：「當中店員似乎都保持住良好嘅態度，但阿叔係鬧到成間爭鮮都聽到。」最後「店舖裡面嘅食客終於睇唔過眼，全場一齊Ｘ返個阿叔」。
另一段影片看到全場食客起哄，一片噓聲，多人以粗口怒轟阿叔：「走啦！Ｘ家Ｘ！你真係買Ｘ晒啲鼓油佢啦！」
片段看到面對群情激憤，阿叔未有絲毫退縮，竟得戚地舉起雙手，笑著迎接全場噓聲，一臉得意的神情，似將噓聲視作喝采聲。
女食客：公憤！個個都睇唔過眼啊！
有女食客大聲怒斥他：「影衰晒啲香港人啊！恰女人！Ｘ街！......公憤，離晒譜啊！成日話食嘢食嘢畀(咗)錢，大Ｘ晒啊！個個都睇唔過眼啊！Ｘ街佬！影衰晒啲男人，男人無咁賤格㗎。」
有男食客更走到大叔面前指罵他，現場有不少食客更大聲挑機大叔：「喂！你咁Ｘ有錢，請Ｘ晒全場食啊嘛！」「你有錢大Ｘ晒啊！坐喺到個個都可以攞錢，撻Ｘ你啦！」
面對全場食客鼓譟，大叔這時態度才收斂起來，未再出聲回應，畫面見到有店員以手勢示意現場食客冷靜。
街坊不是只食花生！樓主：好有獅子山精神嘅場面
樓主在帖文中交代「最後阿叔敗走」，樓主形容，現場食客群起為女店員出頭，怒轟阿叔的畫面是「好有獅子山精神嘅場面」，「可以見到一班本身唔識嘅街坊一齊同聲同氣、見義勇為，為不公義嘅事發聲，我諗係好難得會出現。」
網民紛紛怒斥阿叔的無理行為，並表揚食客的仗義執言：「所以見不平應該要出聲，事實係做錯，一有人出聲就有人聲援......是其是非其非，應該做D嘢而不是只食花生。」
大叔五百蚊最後有無收回？樓主咁講...
事件中阿叔掟出該5百元，最後有無收回？有網民追問：「最後佢有冇放低500蚊？」樓主表示：「無，放低都唔會有人要，太污糟了......」
同場加映：疑不滿攞袋加一蚊 阿叔「火雲邪神」Look大鬧天仁茗茶：「你有無尊重過我！」店員神回獲激讚↓↓↓↓
