電動輪椅客「孭背囊式」巴士運貨凌空「咁孭」兩大箱貨勁牙煙被揭疑似販運一種藥｜Juicy叮

更新時間：11:13 2025-05-05 HKT
發佈時間：11:13 2025-05-05 HKT

有電動輪椅客早前被拍攝到「孭背囊式」運貨搭巴士奇景，片中見到一名坐輪椅的大叔，驚險凌空孭兩大箱貨落巴士。有眼利的網民估計，大箱子內可能載有一種藥物。詳情見下圖及下文：

電動輪椅客「孭背囊式」巴士運貨逐張睇↓↓↓↓

facebook群組「屯門友」早前以「電動輪椅版GoGoVan」為題上載一段長約27秒的短片。片中坐電動輪椅乘搭城巴的大叔，正準備經車頭斜道落巴士。鏡頭一轉，見到輪椅旁放有拐杖，拐杖後兩個大紙皮箱，如孭背囊搬以彈性繩索穩穩地綁在電動輪椅後。短片一直拍攝至大叔順利落車，電動輪椅在行人路上行駛的情況。

網民：2蚊成本送貨

有人看不過眼這種貨運方法，揶揄大叔在做送貨「副業」；網民又針對大叔可能享用2元乘車優惠，指「2蚊成本送貨」、「仲要坐2蚊車」、「佢嗰2蚊真係超值到極」。

另有人直指「冇可能咁樣用電動輪椅」，並指情況危險「為了慳錢，反車就危險」、「嘩，好驚成架車向後翻」、「嘩，嗰兩蚊原來可以包晒咁多嘢㗎。人、傷殘電動車、一對傷殘拐仗、兩箱有份量的紙皮箱。其實係有安全引患，阻塞車廂內的走動空間」、「其實真係好危險，可能好輕都好，佢咁用輪椅搭巴士上上落落，萬一跌晒出嚟，真係搵人執囉！如果係藥物，一定有送貨服務，平過搭的士又直接到屋企」。

有網民則留言「電動輪椅喺留返有需要嘅人而坐，唔係電動輪椅當送貨車咁用」，附和的人則稱「我真係見過坐輪椅的人會行路」、「見過幾個假傷殘，轉頭識行識走」、「看見很多坐電動輪椅的人，後面還企一個人，一架輪椅一坐一企」。

不過，有人體諒大叔，表示「傷殘係冇計嘅要用輪椅代步，各位巴打有同情心就睇開啲；借用傷殘嚟送貨代步，係好小部分啫，唔好攞嚟批評啦，邊個想傷殘呢」、「佢都只係將啲嘢放在佢輪椅範圍內，並非大奸大惡，對其他人亦沒有好大影響。大家包容一點，快樂一點！」、「咪係~老人家傷殘都要自己去攞速遞」、「買咁多嘢，都無屋企人幫佢，包容下啦」。

網民：佢後面嗰啲似洗腎藥

還有眼利的網民認得運載的兩大紙箱可能是藥物：

•網民甲：佢後面嗰啲似洗腎藥，以前幫同事清屋見到類似嘅成房擺滿。
•網民乙：好重㗎，無可能咁放同有送貨。
•網民甲：我同事多佢好多倍，可能無錢送到屋企，好多腎病患者都係在家洗腎，唯有自己攞。
•網民丙：可能係藥物用品，如果係洗藥水有一定重量，兩條彈性的繩子是不可能凌空架在傷殘車上，希望這位伯伯下次可以善用政府的上門派藥（藥物送遞服務）。

另有人錯重點地關注大叔的電動輪椅駕駛技術，指「技術一流，一take過（一次過）。100分」。有人則提醒「咁樣架電動輪椅快壞㗎」。

相關閱讀：內地團50行李喼迫爆城巴司機現場一招截龍網民勁讚

醫管局「藥物送遞服務」逐張睇↓↓↓↓

醫管局「藥物送遞服務」

根據城巴的「乘客須知」，「每位乘客只可攜帶總重量不超逾5公斤及總體積不超逾0.1立方米之物品登車」。至於網民提及的「藥物送遞服務」，病人可透過醫管局流動應用程式「HA Go」，安排藥物送遞至家中或指定地址（郵政信箱或商廈郵件室除外），亦可選擇到社區取藥點領取藥物，就診後毋須返回或留在醫院或診所藥劑部等候。

服務適用於所有醫管局轄下醫院和診所的專科門診、普通科門診、出院及急症室病人。「藥物送遞服務」按每張處方劃一收費，每次港幣65元，不受處方上藥物的數量、重量、大小或種類影響。當確認了送遞服務的安排並繳付款項後，該次服務將不予取消亦不設退款。「藥物送遞服務」簡介短片↓↓↓↓