「拜年裝」橙紅明月掛維港夜空 送龍迎蛇前有預示？ 天文台咁講｜Juicy叮
發佈時間：10:01 2025-01-27 HKT
今天（27日）是年廿八，農曆新年將至，市面裝飾換上滿眼喜慶紅調，連月亮竟也預早穿起一身橙紅應節拜年服？
一輪橙紅色明月日前高掛本港夜空，市民正狐疑這「拜年裝」月亮的特別天象要在送龍迎蛇之際預示甚麼時，香港天文台適時在facebook以「點解月亮會橙紅色？」為題解釋——
相關閱讀：「金星合月」夜空在眨眼微笑 天文台預告另一特別天象
橙紅明月掛夜空逐張睇 ＋ 網民恍然大悟↓↓↓↓
相關閱讀：世紀晚霞史詩式浪漫 網民忘情追逐 紅霞預示好天氣？天文台咁解釋......
月亮變色與位置有關
天文台指「平時見到月亮多數都係灰白色，但早前就有人影到維港夜空出現一輪『橙月』！其實月亮『變色』係同佢嘅位置有關㗎～當月亮較接近地平線時，仰角會比較低，光線要穿過較厚嘅大氣層，導致大部分波長較短嘅紫藍色光線被散射走，剩返波長較長嘅橙色同紅色光線，所以就會見到橙紅色嘅月亮喇！」。
相關閱讀：「鯊魚」游弋香港上空？ 天文台解構「鰭」雲乍現要訣
順道解釋太陽變鹹蛋黃
天文台補充，「呢種『雷利散射』現象都會令太陽貼近地平線時睇落更紅紅橙橙，所以日出、日落就會見到太陽成個『鹹蛋黃』咁喇！（攝：Kenneth Wong / 2025年1月15日 / 維多利亞港 / #CWOS）#社區天氣觀測計劃 #月亮 #賞月」。
天文台還在回應欄上載以《甚麼？！天空可能不是藍色的？》為主題的「氣象冷知識」教育短片連結（https://www.youtube.com/watch?v=EatQfNVWlk8），片中就「有人說晴天時天空有可能是紫色的，但為甚麼我們看到的天空是藍色，而日出日落時太陽是紅色？」的現象作詳細解說↓↓↓↓
相關閱讀：半邊藍天半邊雲 陰陽天有咩玄機？ 天文台解開天空謎團
橙紅明月掛夜空逐張睇 ＋ 網民恍然大悟↓↓↓↓
相關閱讀：空中奇景 漫天泡泡 赤鱲角滿目卡通棉花雲 天文台：呢啲係「乳狀雲」
網民恍然大悟：仲以為有咩預示
經過天文台講解後，網民對橙紅月亮的出現恍然大悟，稱「原來如此」、「原來科學解釋到」、「仲以為有咩預示……」。有人卻感嘆「以前讀過中三物理學就會知道點解。（中三未分科，個個都要讀！）但係而家竟然好似變到專家先識咁！」、「一啲應該係常識嘅嘢竟然無乜人識！」；有網民則上載相片和應，指「幾年前都見過」。
相關閱讀：本港上空驚現「Ｘ」怪雲 上天有啟示？ 天文台解開「大交叉」謎團
