網紅實測火炭酒樓「點心放題」驚遇大混亂 三分一點心漏單苦等兩小時 部長一理由竟籲「唔好加單」｜Juicy叮

有火炭的酒樓近日推出$88的點心放題，成為一眾食客焦點，有網紅近日到酒樓實測，卻驚遇大混亂情況，苦等兩小時仍有三分一點心漏單，他更遇見食客鼓譟，與及揭露現場有多處問題，期間酒樓部長更提出神邏輯籲食客「唔好加單」。

本港網紅「馬加貓」近日以「點心放題史上最大混亂」為題，在其Youtube頻道，發布實測該火炭酒樓的點心放題，足本細節如下：

網紅實測火炭酒樓「點心放題」驚遇大混亂 三分一點心漏單苦等兩小時 部長一理由竟籲「唔好加單」：↓↓↓↓

該位於火炭的粵式酒樓，近日推出「自由點」點心放題優惠，每位只需$88（兩位起），即可享用逾60款精緻點心及多款即炒粉麵飯、甜品和老火湯，4小時任食蝦餃、燒賣、炒粉麵飯等。

網紅「馬家貓」日前在中午時間實測該酒樓點心放題，雖然「以一百一十幾蚊埋單，食四個鐘頭呢一個嘅價錢，就點都抵嘅」，但是他形容是體驗的是「一個驚心動魄嘅經歷」。

他第一輪先叫11樣點心，但奇在第一樣到的竟是一碗他沒有點的老火湯，「放題嚟嘅，唔使錢算啦，飲咗先算。」誰料這湯竟是微涼。之後來的第一樣他點的煎釀茄子，他點了2件，但結果來了4件，他一食，吃驚的是「4嚿煎釀茄子都係凍㗎」。這時他聽到隔鄰食客鼓譟，指落了點心，遲遲未見送到。

同場加映：油塘酒樓「山竹牛肉」被質疑是「其他肉」 夾開呈漿糊狀 網民疑是呢種肉：↓↓↓↓

網紅的第二碟點心，要在約20分鐘後才到，是芥末魷魚，他說味道不錯，「魷魚食入口都幾爽脆」，但是他發現盛魷魚的碟邊有污漬。和芥末魷魚一齊送來的是「粟米煎百花餅」，但是，「嚟到嘅時候又係凍嘅。」他形容此刻送來點心如同患上「失溫症」。

他又發現，當時「送嘢食嚟，其實都冇咩制度，都幾混亂」，例如有人會送來一碟他沒有叫的青芥末魷魚，結果他表示沒點後，「佢轉頭就拎返走，跟住呢一碟魷魚去咗邊一度，就不得已知喇。」之後來的白雲鳳爪都幾好食，不過， 第一個即蒸點心要等36分鐘後才送來，那是兩粒燒賣，他說，雖然是「即蒸」，「不過唔知係咪個蒸爐壞咗......食落去又唔係好熱。」

這時，再有食客等食物太久鼓譟，酒樓女職員坦言「我幫唔到你」，食客則怒氣地說：「咁你係咪唔收錢先？」該女職員竟答說：「收唔收錢唔關我事？話知你走Ｘ晒。」「你睇吓幾多人......」食客則說：「鬼唔知多人咩，你做得呢啲（放題）就梗係多人。」女職員無奈說：「多人又係咁多個人做，唉，無計呀！」

網紅聞言打趣地說：「呢一度食嘢嘅人又好嬲，連做嘢嘅人都好嬲。」隔離落單後一小時，即蒸點心終於來多兩籠，包括「兩個蝦餃」和「鮮蝦菜苗餃」，兩款「即蒸」點心都是「微暖嘅合格」，這時他們的11樣點心，在1小時後總共來了6樣。

同場加映：長沙灣酒樓點心驚見「老鼠屎」 事主最後咁處理：食慾盡失！↓↓↓↓

他有感現場有食客不斷追單，於是改變策略，在第一輪單未到齊，再落第二輪單，今次再叫8樣點心。誰料第二輪下單後，酒樓覆單時竟將他落的8樣點心，「自動幫我減咗兩樣」，即第二輪只下了6樣點心。更有趣的是，這時鄰枱食客見網紅暫未有食物送到，竟「捐出」一籠山竹牛肉給他暫時醫肚，這時隔第一張單落單後已71分鐘。

這時酒樓最搶手的「灌湯餃」送到，有食客指「灌湯餃」等了兩小時才到，網紅說他等了71分鐘已算快，網紅笑言：「你又唔可以怪酒樓嚟得慢嘅，人哋畀四個鐘頭你食啊，11點食到3點，預你坐足四個鐘㗎嘛。」他又向網民提供這點心放題的落單「秘技」，「就係你第一次落單嘅時候，你記得落多啲啊，你千其唔好諗住有第二次嘅機會。」

不知不覺，網紅已坐至下午二時，人潮高峰期已過，第二張單入單後，16分鐘就有第一輪點心到來，而且點心都是熱的，「終於可以食返一啲熱嘅點心落肚喇。」

讚賞點心放題可逐粒叫

他讚賞這酒樓點心放題，可以逐粒逐條叫，例如腸粉「好就好在可以逐條逐條咁叫，兩個人嚟就可以叫兩條」。他說，今次光顧該酒樓點心放題，發覺他們出菜好混亂，「有啲嘢就會嚟，有啲嘢就會唔嚟。」究竟為什麼會這樣，他現場錄到部長向食客的一番解釋。

該部長向食客說：「你哋未嚟嘅嘢就唔好加單，一加單就重複㗎啦，你食唔晒㗎，所以唔好畀加單！」網紅聽後表示：「究竟呢一個系咩邏輯嚟㗎，啲嘢一開始唔理，但係加單又會嚟多咗，最後就唔可以加單？」

網紅又表示，以為打定輪數不會來的點心，例如鴨腳紮以為已失蹤，但在落單之後40分鐘，卻突然送上來，不過之前落的紅棗糕、桂花糕及糖水等等，全部消失得無影無蹤。網紅最後總結他落了兩張單，總共17樣食物，有6樣沒有送到，漏單率約35%，即約三分之一。他說：「以（兩人）一百一十幾蚊埋單，食四個鐘頭呢一個嘅價錢，就點都抵嘅，你就當係一個驚心動魄嘅經歷啦。」

該實測影片引發網民熱議，有網民表示：「食得咁受氣，真係貼錢買難受。冷盤白色碟咁汚糟，啲汚漬都未洗乾淨，嚇死！」

部分網民光顧後大讚：我覺得都唔差！

不過，部分光顧過該酒樓點心放題的網民則表示，該酒樓質素不錯：「昨天去試過，改善了很多，沒有混亂情況，落了的點心來了八成，不用等太久，要求不高的話，確是是超值的。」

「其實我星期五同星期六去食咗，個日食物都算熱，無馬加貓講咁誇張，但真係要等好耐先到囉⋯⋯味道都算唔錯，比上不足，比下有餘，環境都算可以。」

「我今日都有去這間酒樓食點心放題。我覺得都唔差。只係太多食客。職員太忙。必定有漏單情況發生。大至上都有90%點心齊哂。最好食點心是流心奶黃包。特別注意是需要早些少等位。」

同場加映：女樓面爆酒樓「飲茶12怪」 如香港眾生相引共鳴：↓↓↓↓