颱風桃芝襲港，杏花邨海傍風勢強勁，TVB新聞昨日（12日）採訪邨內一名居民張先生，張先生在訪問中屢爆金句(TVB新聞截圖)

桃芝颱風｜杏花邨張生受訪屢爆金句爆紅：「你未見過山竹天鴿嗰個年代啊！」豪言鍾意ＸＸ「唔想掛咁耐」｜Juicy叮

時事熱話

更新時間：10:01 2024-11-14 HKT
發佈時間：10:01 2024-11-14 HKT

颱風桃芝襲港，杏花邨海傍風勢強勁，TVB新聞昨日（12日）採訪邨內一名居民張先生，張先生在訪問中屢爆金句：「呢個風夾硬掛8號啫！」「你未見過山竹天鴿嗰個年代啊！」更豪言鍾意一件事「唔想掛咁耐」。

其金句成為網民熱議焦點，以下為足本版訪問內容：

足本內容｜杏花邨張生受訪屢爆「呢啲」金句爆紅豪言鍾意ＸＸ「唔想掛咁耐」↓↓↓↓

該段只有19秒的訪問，在昨晚在TVB新聞播出，電視台記者採訪相信當時仍出街跑步的杏花邨居民張先生。

他一開頭即表示：「呢個風一定唔會有啲乜嘢特別嘢啦。」他說：「呢個風夾硬掛8號啫，風平浪靜。」他向記者大派定心丸：「你未見過山竹天鴿嗰個年代啊，呢個風一定唔會有嘢啦，放心啦！」

「我想返工啊嘛，我鍾意啊！」

記者問他：「會唔會都想掛（八號風球）耐啲？」張先生即表示：「梗係唔想啦！」記者追問：「點解呢？」張先生即說：「啊，我想返工啊嘛，我鍾意啊！」隨即離去。

網民讚幽默：佢又真係有資格講

有關片段在社交平台及網上討論區瘋傳，成為網民熱議焦點，部分網民大讚張生：「佢講事實啫，以前掛得8號，一定係橫風橫雨，而家有時真係風都無滴。」「咁佢又真係有資格講，個停車場都冇浸，算啲乜？」「地下停車場無水浸即係無風啦。」「其實個風真係冇料到，張生都只係想強調呢樣。」

對於張生一句「你未見過山竹天鴿嗰個年代啊！」，不少網民大讚他幽默：「直頭係平衡宇宙啦。」「你冇見過山竹天鴿年代？好耐之前的事咩？」「天竹的確係上一個年代嘅事，天竹係本世紀10年代嘅颱風，而家已經係20年代，2025年都嚟緊啦。」有網民又幽默地估記者年齡：「點解佢覺得個記者冇經歷過呢？明明先過左幾年。」「咁即係個記者得5歲？」

翻查資料，超強颱風天鴿和山竹分別於2017年及2018年襲港，兩次本港均發出十號颶風信號，其中山竹更為香港帶來史上最嚴重的風暴潮。

↓立即下載星島頭條App↓