一人一個睇相算命故事網民回望舊事盤點師傅贈言信不信由你｜Juicy叮

更新時間：11:52 2023-10-01 HKT
發佈時間：11:52 2023-10-01 HKT

搞活夜經濟，勾起不少人廟街、大笪地、榕樹頭的舊繽紛回憶。有網民近日在以懷舊為主打的facebook專頁上載睇相佬擺檔老照片，並提到當年被指點迷津的經歷，結果掀起一輪師傅贈言準確性的盤點。回望舊事，有人驚覺「準到無朋友」，有人淡然地指「聽過就算，不要太認真」，並冷靜分析認為只是統計學。

樓主在帖文中表示「70-90年代，各位谷友有無算命的經歷？記得大約1989年，我同一位姊妹去算命，果個師傅一看她時辰八字，無出聲，之後我個姊妹話：『車，神棍一個！』幾個月後，佢急病走咗了」。

網民自爆指點迷津內容逐張睇↓↓↓↓

回應的網民奏熱鬧，翻箱倒籠抖出蒙塵舊事，說著自身或親人甚至道聽塗說而來的應驗或不應驗「預言」。指贈言應驗的一批，有人甚至到現今才驚覺當日的贈言奇準，慷慨說出段段笑中有淚的感情史，甚至家族興衰史↓↓↓↓

網民自爆指點迷津內容逐張睇↓↓↓↓

另有一批留言的網民則認為贈言不應驗，其中有人笑指「睇相師傅話我朋友會到時會好紅，結果朋友真係得咗濕疹，面上有一片片紅疹。都算好準」、「我一睇就知你父母是同一日結婚」；還有人附上內地穿黃色制服的外賣小哥相片，指「8歲那年我碰到一個算命先生，算命先生說我24歲會皇袍加身」。

網民：某程度上係統計學

另有人分析睇相算命大多是「尋求心理慰藉多，其實好多資訊都係自爆，問事業又係果幾句，問姻緣又係果幾句，問健康都係果幾句，你背定40、50句你都可以做」、「我都覺得某程度上係一種統計學」、「風水係環境學，舒服嘅就係好位」、「老實講，講嚟講去嗰幾句，你細個有過場大病，同家人關係唔係好好」。還是有人看得通透，感嘆「萬般皆是命，半點不由人」。