公屋二派青衣長青邨 機場工友嫌三嫌四唔住 網民嘩然:咁正都唔要?|Juicy叮
更新時間:10:22 2023-07-16
發佈時間:10:22 2023-07-16

一名2015年4月13日登記上樓,於機場返夜班的市民,今年7月初獲「二派」青衣長青邨青柏樓高層單位,睇樓時拍下在後樓梯影的海景和屋內開揚景觀,並在網上揚言睇樓後已拒絕入住,期待「硬食」最後一派(「三派」)。

回應的大部分網民均替樓主的決定感到可惜,指「人心不足蛇吞象」,提醒「工可以轉」,並大讚單位「可以睇到煙花」,地段屬「超級好盤,岀港島半個鐘,岀旺角半個鐘」,質疑「是否晒命多啲」。其他網民回應請瀏覽下圖↓↓↓↓。

二派長青邨青柏樓單位逐格睇 + 網民踴躍回應↓↓↓↓

樓主早前在網上發文,指「二派長青邨青柏樓,今早睇完46年樓33.07平方米,即約356呎,交通尚可。但我在機場工作,返夜班,不方便!已拒絕!」,並自爆申請上樓經過:

•2015年4月13日登記
•10月3日見主任。順利PASS!
•10月19日補資料。
•11月04日收合格信!
•2023年05月15日首派長亨邨亨麗樓2樓。   
•05月23日。睇樓。已拒絕!期待下一派會更好!
•07月03日。二派,長青邨,青柏樓,高層。
•07月11日。睇樓!已拒絕。期待最後一派,要硬食了!
(註:公屋申請人有3次編配居住單位的機會,即「一派」、「二派」、和「三派」,若拒絶接受3次,其申請書會被取消。)

網民:卅幾年前就不方便 現在四通發達

長青邨位於青衣島中南部,是島上首個落成的公共屋邨,於1974年開始興建,1977年起落成入伙。回應的網民指,「三十幾年前就不方便,現在四通發達,靚景一流」、「樓下有車去機場,都係半個鐘車左右」、「呢個位搭巴士出美孚,荃灣超快」、「又靚又通風,有小巴落葵芳」、「交通方便,美景,果邊又多嘢食」、「仲好意思上嚟講」。

不過也有人提醒,「最緊要唔好後悔,各人嘅需要都唔同,希望樓主可以抽到更好啦」,而且「近海潮濕」,並認同「返工太遠!絕對是一個重要!考慮啊!第一用來往返的時間太多了!第二,路程遠了,交通費的負擔也重了」。其他網民回應請瀏覽上圖↑↑↑↑。

帖文來源:公屋討論區

申請公屋相關新聞:

港女輪候公屋13年獲派彩園邨凶宅稱感恩 網民 : 做人豁達啲好

港女輪候公屋13年獲派彩園邨凶宅稱感恩 網民 : 做人豁達啲好
港女輪候公屋13年獲派彩園邨凶宅稱感恩 網民 : 做人豁達啲好


公屋新舊樓優劣惹熱議 網民:舊樓住地點新樓住質素

公屋新舊樓優劣惹熱議 網民:舊樓住地點新樓住質素
公屋新舊樓優劣惹熱議 網民:舊樓住地點新樓住質素

—————

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ