港女飲茶公審熟客唔拎飛打尖 反招網民圍插：酒樓潛規則都唔識？｜Juicy叮
發佈時間：06:12 2023-06-29 HKT
有港女在樂富一間酒樓飲茶，拿完飛等位，但結果發現有很多熟客「唔使拿票直接安排入座」，港女發帖公審該酒樓容許公然打尖，竟反招網民圍插。
不少網民更爆出酒樓飲茶「潛規則」，更揚言港女有得飲茶，「都係因為有呢批打尖嘅熟客」。
飲茶都有「潛規則」？熟客老奉打尖？點至叫熟客？飲茶講呢啲...｜點擊即睇↓↓↓↓
該名港女近日在樂富一間酒樓飲早茶，她在帖文中表示：「一早念住唔駛等位飲茶，拿完票仲要等。」
但是當她「等咗一陣唔對路入去睇睇」，「原來入面熟客唔使拿票，直接安排入座的。」
「熟客唔使拎飛 直接安排入座」
港女發現酒樓安排熟客打尖，令她要長時間等候，並不公平，「以後唔駛旨意來呢間飲茶。」
帖文一出，竟招來大批網民圍插，至今已有逾八百名網民留言。
「飲茶潛規則你依家先知？」
不少網民表示，熟客飲茶可打尖是酒樓的潛規則：「飲茶潛規則你依家先知？我十歲八歲跟老母飲茶已經識。」
「酒樓的熟客，有優先權，飲食業的暗規！」「樓主係新移民？香港酒樓文化係咁，怪就怪自己識人少！」
「樓主第一次飲茶？」「就好似銀行果啲隊都係分兩條，一條錢多大客既隊，一條普通客既隊。」
「熟客養住間酒樓...」
網民批評樓主少見多怪，「熟客會買月餅卷、蛇宴、大閘蟹、糭卷、盤菜，你會唔會咁做先。」
有網民更指樓主今日可以偶爾來酒樓嘆茶，都是靠這批打尖熟客：「有無諗過你能夠偶爾來飲一兩次茶，係因為呢班熟客養住所至？」
「唔係熟客養住間酒樓，佢哋生存唔到，所以酒樓俾熟客無可厚非......我都係一年飲到兩次早茶嗰隻。」
「歪理當真理 ICAC去咗邊？」
雖然有不少網民認為熟客打尖無可厚非，但亦有部分網民直斥網民留言「捩橫折曲」，有觸犯防止賄賂條例之嫌。
「這是飲食業傳統陋習。」「估唔到咁多人會咁合理化啲不合理嘅事。」
「睇回應香港人似乎慣咗走後門不公平對待，ICAC去咗邊？」「睇留言真係精彩，歪理當真理。」
「這正是我越嚟越少去酒樓飲茶其中一個原因，去點心專門店飲甚少呢個情況出現。」
同場加映：九龍城酒樓「飲茶限時1個鐘」！奇葩規矩惹議 事主：點心未齊已被趕↓↓↓↓
九龍城一間酒樓的飲茶規矩引發熱議，該酒樓訂明「飲茶限時1個鐘」，就算茶客多亦最多只可飲茶個半鐘，引發網民熱議。
九龍城酒樓「飲茶限時1個鐘」 網民熱論咁應付｜點擊即睇↓↓↓↓
詳情瀏覽：九龍城酒樓「飲茶限時1個鐘」！奇葩規矩惹議 事主：點心未齊已被趕
其他相關熱話：
----
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
