私樓泳池禁外傭落水陪游？住戶不滿「雙標」處理疑涉歧視 網民激辯：工人證無權用VS睇公契定義
發佈時間：13:15 2026-11-14 HKT
不少家庭會聘請外傭協助照顧年幼子女及處理家務，如買餸煮飯、接送上下課及陪伴遊玩等。近日，一名私樓住戶於社交平台發文，不滿其屋苑管理處接獲個別住客投訴後，禁止外傭進入游泳池內，只能在池邊看顧兒童，質疑其處理手法或涉及歧視。樓主又指出，以往有非住戶私人游泳教練可於池中授課，認為管理處選擇性處理。帖文引起廣大網民激辯，一方認為如工人持有「工人證」確無權使用會所設施，另一方稱未知管理處下此決定的前因後果，難以判斷誰是誰非，最好查閱公契定義再作定論。
私樓會所禁止外傭泳池落水陪游 住戶質疑涉歧視
本地部分私人屋苑設有會所設施，如健身室、游泳池、網球場等供住戶使用。最近，一名私樓住戶於社交平台發文，表示得知因有住客投訴，屋苑泳池突然禁止外傭落水，「要照顧小朋友嘅姐姐，只可以喺池邊睇住佢哋游水」。樓主認為此安排不合理，一來幼童在泳池內需要成年人貼身陪同，以確保安全；二來確有僱主願意為工人姐姐提供住戶證，方便使用會所設施，「其他住客憑乜投訴到人哋連落水嘅權利都冇？究竟屋苑係按住戶身份、住戶證，定係外貌同族裔去判斷邊個可以游水？」
樓主進一步質疑屋苑如何判斷泳池使用者的身份，「有東南亞面孔嘅屋苑住客，又係咪唔准游？」又指出泳池範圍大，而且使用人數不算多，「投訴人唔通認為，姐姐落水就會污染個泳池？」她又直言，「問題有啲住戶見到貌似菲傭或印傭嘅人落水，就唔高興，不分青紅皂白走去投訴，所以就構成東南亞面孔嘅人使用屋苑泳池，其他住戶點判斷佢係傭工定住？」
再者，樓主補充該屋苑設有住戶證及工人證，前者可由住戶自行決定分發，她常於泳池見到外來私人游泳教練落水教學，「佢哋唔係住戶，但屬於住戶邀請入嚟，住戶借張證佢拍」，惟她從未見過有人投訴或職員上前阻止或驅趕，又指「如果屋苑講明要認住戶證張相，一刀切唔俾教練同姐姐落水，咁無話可說」，而現行措施似乎有只針對外傭的嫌疑，對此「覺得好有問題」。
網民建議查公契：睇吓泳池佢定義咩人可用
帖文引起網民激烈討論，支持管理處依規辦事的網民指出，部份屋苑的住戶證與工人證的制度分明，工人證只供出入，並不包含會所設施使用權，「如果有寫明權限，你呢個情況就輸蝕啲，會所真係有根據唔俾」、「工人嗰張淨係可以入會所，但唔可以用設施，但算唔算歧視我就唔知」、「姐姐有住戶證就證明佢哋係住戶，住戶點解唔可以用會所設施」。
有網友認為管理處「夾喺中間」，最好的做法是查閱大廈公契定義，再作安排：「一定有住戶投訴先有呢個規定，好多自以為高人一等的人歧視工人姐姐，唔鍾意同姐姐共用設施」、「我哋屋苑試過有姐姐用clubhouse設施，有住戶投訴佢哋，但得到嘅回覆係因為冇辦法判斷嗰個係姐姐定住戶，所以冇辦法處理」、「照游，問管理處邊條大廈公契唔比非港人落泳池」、「咁樣有啲難拗，搵吓大廈關於泳池部份嘅公契，或者法團守則（如有），睇吓泳池佢定義咩人可用」。
文:R
資料及圖片來源:Threads
延伸閱讀：保安陷「應否幫手開門」世紀難題！開門與否都被住戶投訴 網民爭論：保安不是門僮VS佢哋好死板！
