九龍灣疑現櫃員機騙案！「黑超男」隨機尋人代㩒錢 醒目港媽避過1劫：唔好幫陌生人㩒錢！
發佈時間：13:36 2026-11-04 HKT
近年詐騙手法層出不窮，稍有不慎隨時惹禍上身。最近，有網民在社交平台發文分享，稱其媽媽在九龍灣淘大商場的滙豐銀行（HSBC）自動櫃員機前，遇上一名自稱患有白內障的「黑超男」，對方藉病要求代為提款，幸好媽媽警覺性高堅決拒絕，最後成功避過一劫！帖文引起網民熱議，不少網民大讚事主媽媽醒目，「而家太多騙案，唔幫好合理。」即看下文了解詳情。
港媽九龍灣遇「黑超男」要求代㩒錢 疑遇騙案拒絕對方即發難
近日，有網民在Threads以「警世，小心騙子」為題發文，稱其媽媽日前經過九龍灣淘大商場的滙豐銀行自動櫃員機時，突然被一名戴着太陽眼鏡的男子搭話，對方聲稱自己患有白內障，要求她幫忙「㩒錢」。網民的媽媽見狀，建議該男子可以到德福廣場的銀行櫃台求助，惟男子以「咁遠行不到」為由拒絕，再次要求她幫忙。
不過，由於涉及錢銀問題，加上近年騙案頻生，網民指媽媽當時仍拒絕幫忙，豈料該男子當場發難，稱「次次都得，點解唔得」，更留在櫃員機前不離開，期間亦再度搜尋其他目標，「首先叫一個後生女幫，她說趕時間，之後再叫個大媽幫手，大媽話我都唔識。」他特別提醒市民，當遇到類似時間時警覺性需提高，「唔好幫陌生人㩒錢，因為唔知佢張卡係咪有問題或者佢踫瓷。」
網民力撐：唔幫好合理
帖文引起網民熱議，不少人稱讚網民媽媽醒目，成功避過一劫，「如果佢上網呃人過數，你媽媽幫佢㩒錢就……」、「而家太多騙案，唔幫好合理」、「拎咗人地張卡，㩒咗錢，跟住警方根據鏡頭拉埋㩒錢嗰個，就算出面個CAM影到兩人個人入去，會告埋㩒錢錢嗰個當係同黨。」
此外，有網民建議下次遇到類似事件時可以報警求助，「唔幫，陣間話你盜竊，拿屎上身，你可以幫佢打九九九叫警察幫佢」、「你叫你媽咪講：嗰到有警察，我叫警察嚟幫你，萬試萬靈」、「每次去ATM機，有人話要幫手，一律叫佢哋去搵民建聯區議員」、「唔幫，叫佢搵關愛隊。」
事實上，現在香港多間主要銀行，如中國銀行、恒生銀行、滙豐銀行等，均設有「語音導航自動櫃員機」，方便視障人士獨立使用自助銀行服務。視障人士只要將耳機插入「語音導航自動櫃員機」，便可啟動廣東話或英語語音導航，方便提款、查詢賬戶結餘、轉賬、更改密碼等。
圖片及資料來源：Threads
文：Y
延伸閱讀：無結婚生子＝失敗人生？30歲港人愛食壽司郎買Chiikawa 自嘲「低級大人」 網民力撐：99%的人羨慕你擁有自由
