保安陷「應否幫手開門」世紀難題！開門與否都被住戶投訴網民激辯：保安不是門僮VS佢哋好死板！

更新時間：16:08 2026-10-15 HKT
發佈時間：16:08 2026-10-15 HKT

住宅或大廈保安職責除了保障住戶安全之外，處理住戶要求或相處亦是社區中的話題。近日，有網民於網上群組發文，表示保安面對一大兩難處境，他指出保安不論幫忙為住戶開門與否，都會遭到住戶投訴，因而向各大網友請教：「保安應唔應該開門？」帖文引起網民激辯，一方認為保安並不是門僮，另一方表示保安按規矩做事「好死板」！

保安幫住戶開門與否都被投訴？苦陷「開門」世紀大難題

住宅或大廈保安職責一般涵蓋防止未經許可人士進入大廈，如發現可疑人士應上前查問，須登記所有訪客、維修工人、送貨及外賣員等出入大廈的資料，同時處理住客們的投訴。保安需要監察保安系統，定期巡邏大廈留意公共走廊及走火通道，確保任何時候均暢通無阻，如發生緊急事故時，應提供即時援助及向有關方面通報等。部份住宅大門安裝密碼或八達通門禁系統讓住戶出入，以確保出入均為住客及記錄進出狀況。

不過，有網民發現屋苑保安常常陷入「幫手開門」這個世紀難題，他指出有住戶投訴「保安幫手開門」，亦有住戶投訴「保安唔肯開門」，令他感到相當疑感，因此向廣大網友請教：「保安應唔應該開門？」

網民兩極回應：冇義務開門VS佢哋唔識轉彎！

帖文引起雙方網民爭論，一方網友認為保安職責為確保大廈安全，基於保安理由故此沒有義務幫忙開門，「投咩訴？幫你係人情，唔幫你係道理！」、「個個都開門咁唔使有門啦」、「保安理由當然唔應該亦不是保安的責任」、「如果你話冇手開門，咁打算點撳𨋢？點開自己屋企隻門？」、「嗰個係保安，唔係門僮」、「住客必須按大廈管理規定給予住戶開門方式自行開門」、「一幢大廈咁多伙數及咁多人口，同得呀甲開又要同呀乙開，咁不如請門僮」。

此外，有網民認為保安並不是門僮，如不跟從規矩做事會引起保安漏洞，「酒店就話要bell boy開門啫，保安開乜門」、「投訴嗰啲人就當人哋係佢工人」、「保安做保安工作不是做客戶服務」、「人人都幫手開門做成慣例，密碼鎖形同虛設，有時保漏洞係住客做成，個個唔守規矩叫保安點樣跟程序辦事」。

有人認為保安與住戶每天朝夕相見，幫手亦是應該：「有啲根本日見夜見，幫吓手都好應該」、「佢哋好死板！唔識轉彎！呢啲唔係叫保安森嚴，係為難住戶！」。有網民採取中庸之道，認為做事可以具備靈活性，如保安認出住戶可幫手，如遇到「生面口」則要求按規定方式進內，「睇吓保安認唔認得佢」、「當然住客真冇手，禮貌問一問我就覺得冇問題」、「見到陌生人就會問你搵邊個，呢啲common sense」、「如果座頭認得業主/住客，我覺得開門也無妨」、「見到住客又認得幫手開門好正常，若果生面口，當然要他拍卡，輸入密碼，登記資料，保安不是酒店門僮」。

資料及圖片來源：Facebook群組

文：RY