長輩沉迷AI短劇點算好？港人網上求助尋解決方法 網民嘆世紀難題：阻止唔到好恐怖
發佈時間：11:57 2026-10-08 HKT
隨着人工智能技術普及，各大社交平台充斥着由AI生成的圖片、文章以至是短片。近日，有港人在網上發文求助：「有咩方法可以停止我阿媽睇AI短劇」，獲大批網民留言回應，感嘆「以前啲大人老人叫唔好睇咁多劇咁多電視，依家機不離手煲劇，仲勁過啲後生！」也有人警告長輩過度沉迷此類短劇恐加劇認知退化，建議多陪伴
如何阻止家中長輩沉迷AI短劇？港人無奈嘆：世紀難題！
近年內地興起以人工智能技術生成的微短劇，由於這類作品劇情公式化、節奏極快且不斷高潮迭起，容易令人沉迷上癮。有港人在社交平台上發文，向廣大網民求教如何阻止媽媽沉迷AI短劇的良方。
帖文隨即引來不少人共鳴，有網民感嘆：「以前啲大人老人叫唔好睇咁多劇咁多電視，依家機不離手煲劇，仲勁過啲後生！」部分同身為子女的網民亦紛紛現身說法，有人坦言是世紀難題，「冇，塞住自己對耳好過」、「而家食飯要提佢唔好玩手機，家母睇AI小說……一樣大鑊」、「我媽係聽啲大女主長輩級爽文，個AI Model啲廣東話又勁差，聽落極度折磨」，形容已成了新一代的「家庭危機」。
網民群起獻計：以毒攻毒
至於解決方法，有網民提出「以毒攻毒」的招數，「自己睇埋一份，以毒攻毒，睇到唔瞓覺唔食飯，等阿媽知道⋯⋯原來係咁」、「係佢要瞓嘅時候，稱佢起身，叫佢繼續睇」。有網民則指出這些短劇的套路萬變不離其宗，建議重溫經典港劇轉移其視線：「其實睇返《溏心風暴》、《家好月圓》，同啲短劇劇情都係差不多，有錢人鬧嚟鬧去爭嚟爭去，不如開呢啲畀佢睇好過」；也有人表示長輩沉迷手機背後原因有機會是因為「苦悶」、「孤獨」，留言勸喻：「多啲陪佢傾偈，等佢冇咁悶，自然就會睇少啲」。
此外，有網民分享身邊朋友的個案，警告此類極端快節奏的短影片會破壞大腦專注力：「我有朋友睇到嚴重老人癡呆咗，佢60歲，未睇嘅時候只係有輕微冇記性，而家直情講2句就唔記得自己講緊乜同繼續想講乜，好X大鑊！」。牛津大學出版社指出，「腦腐（Brain Rot）」是指長期接觸過度碎片化或缺乏深度的內容，進而導致精神與智力退化。據《中時新聞網》報導，意大利帕多瓦大學教授加萊亞齊（Alessandro Galeazzi）曾警告，社群平台充斥大量低品質的AI內容，即便觀眾清楚影片純屬虛構搞笑，長期且過度沉迷於快節奏、情節高度重複且無意義資訊，仍可能加速「腦腐（brain rot）」現象，損害長期認知能力。
延伸閱讀：長輩狂追AI短劇恐陷腦腐 專家可能影響認知能力 教6大警號自我檢測
來源：Threads
同場加映：「初級大人」首月出糧愁「俾幾多家用」 與母關係差/自付學費大壓力 網民建議：聽從自己嘅心
