港媽湊BB突遇「熱心陪月導師」三度折返說教惹網民共鳴+揭怪現象：女人專門為難女人

更新時間：14:38 2026-10-07 HKT
發佈時間：14:38 2026-10-07 HKT

育兒路上，新手媽媽往往要承受不少壓力，若在街頭遇上陌生人的「育兒指導」，更難免令人心煩。近日，有港媽在社交平台發文，指早前攜同嬰兒前往育嬰院時，有一名自稱是「陪月導師」的女士三度折返搭訕，先是提醒天氣變冷要「搵嘢包一包」，否則嬰兒容易著涼，繼而又勸她「天氣凍最好唔好帶BB出街」，令事主大感無奈。帖文公開後，隨即引發不少媽媽及網民的共鳴，紛紛大吐苦水，直言「呢啲人真係好煩！」

港媽單拖湊B外出遇陌生「陪月導師」說教無奈呻：老公帶BB出街又完全唔會

事主在社交平台發文，分享當天早前帶著嬰兒出門，正當他們前往港鐵站準備到育嬰院時，途中突然有一個陌生女士突然走近，並對她說：「媽媽，提一提你，天氣凍咗最好搵嘢包一包，驚BB凍親啊。」事主形容當時天氣僅是微涼，且已替嬰兒穿上外套、長褲及襪子，但出於禮貌仍回應一句「好啊」，對方隨後走開。

豈料，該名女子突然折返補上一句：「同埋而家天氣凍啊，最好唔好帶BB出街啦。」頓時令事主大感不解，在心中無奈反問：「真係覺得關你咩事，可以嘅話都冇人想晨咁早孭住BB出街，同埋天氣凍就唔出街，外國啲BB點算？」眼見事主反應冷淡，該女子拋下一句「提一提你」後離開，怎料隨後竟第三度折返，向事主報稱自己其實是做「上堂教人嘅陪月導師」。事主當下決定不再理睬對方，並反思每次自己一個人與嬰兒外出，總是會遇到陌生人對其育兒方式指手劃腳，但反觀「老公帶BB出街又完全唔會」，又坦言雖然知道是善意提醒，但經歷無數次相同遭遇後仍難免感到無奈。

網民共鳴：陌生人真係唔需要指指點點

帖文隨即引起不少新手媽媽及網民共鳴，大嘆「啲過來人好多意見，哦完就算，都費事嘈」、「以為自己好多經驗識湊仔，喺條街度都要教你一輪」。不少媽媽亦趁機大吐苦水，分享各自被陌生人「指導」的奇怪經歷，「我頭先中午孭住bb出街先遇到同一樣嘅事，但我女就咁著住包屁衣就跟我落咗街，但其實孭住係好熱，個呀嬸又話我唔比褲佢著，我淨係答左一句：佢唔凍，就走咗」；亦有媽媽分享嬰兒在健康院門口「扭眼瞓」，隨後有陌生女士突然走過來表示「係咪條包巾太細冇包住隻腳、畀唔到安全感」，令她哭笑不得：「BB喊可以有好多原因，陌生人真係唔需要隨便指指點點」。

與此同時，有網民指出獨自與嬰兒外出的媽媽尤其容易成為這類「善意提點」的目標，「男人自己帶BB，老女人係絕對唔會行上去搭訕；你同男人一齊帶，老女人最多只會客氣問下BB幾歲、估下幾歲。」、「你自己一個帶BB，啲阿嬸阿婆就會講一陣話凍親、一陣話曬盲；大啲坐車話做咩唔畀佢行，孭住又話做咩唔坐車」、「哩啲人真係好煩，都無人問佢建議，擺明專蝦女人媽媽，唔好話佢哋，就連醫院月子中心啲姑娘都差唔多，真係女人專門為難女人」呼籲他人應尊重每位家長對自己子女的照顧方式。

來源：Threads

文：LW