私樓「階級論」？將軍澳男公審鄰居赤膊！狠批「唔著衫」拉低屋苑檔次 網民洗版圍攻：住呢度好巴閉？
發佈時間：13:32 2026-10-07 HKT
香港天氣又濕又熱，不少男士外出運動或散步時都會選擇赤膊上身，不過這個舉動在將軍澳一個私樓屋苑，卻引發了一場「高尚檔次」的世紀大論戰！有屋苑住戶偷拍鄰居無著上身衫的相片，更放上網「公審」，迅即引爆網民熱議！
維景灣畔住戶嫌鄰居唔著衫「影低檔次」 偷拍背影「公審」
近日，將軍澳私樓維景灣畔一名住戶在 Facebook 群組「維景天地」發帖，公審一名在屋苑內赤膊行走的男街坊。樓主上載了一張相片，相中可見一名男子的背影，他當時僅穿著運動短褲，赤裸上身在屋苑平台範圍內步行。
樓主隨圖附上惹議文字，直言：「呢位街坊，今日天氣雖然有啲熱，但係都唔需要赤裸上身周街走，如果唔係認得你，我仲以為係裝修師傅或者係搬運工，希望你下次唔好再噉樣做，影低我哋屋苑檔次。」言論間盡顯對相中人的不滿。
網民洗版式反擊 「出呢啲Post真係拉低檔次」
帖子一出，隨即引來排山倒海的討論，惟大部分街坊及網民並不支持樓主的言論，反而紛紛留言圍攻，質疑樓主戴上有色眼鏡看待基層職業：「如果係外籍街坊赤膊練跑，又或者係健身教練，你又會唔會話人影低檔次？」不少人直言，隨意假定他人職業並視之為低人一等，極具歧視之嫌。
有街坊踢爆該處經常有男士在澳景路一帶行山跑步，熱到「汗如雨下」，赤膊著短褲實屬平常。更有網民狠批樓主多管閒事、涉嫌偷拍公審，反諷道：「出呢啲 Post 真係影低屋苑檔次」、「什麼都不滿，這是維景人的質素嗎？」、「唔知以為你哋維景係啲幾億豪宅區」。
正反雙方激辯？ 法例並無規定
不過，論戰中亦有少數「保皇派」業主站出來力撐樓主，表示自己在維景灣畔住了二十幾年，的確從未見過有居民赤膊走動，認為樓主只是維護社區儀容，更直指批評樓主的人才是帶有偏見。亦有留言支持指「在屋苑內注意衣著儀容，係尊重自己尊重別人」。
到底赤膊行街有無犯法？根據香港法例第 200 章《刑事罪行條例》第 148 條，任何人無合法權限或辯解，在公眾地方或公眾可見的情況下，猥褻暴露其身體任何部分，即屬犯罪。然而，法例並無規定不可赤裸上身。只要在無故意滋擾他人的情況下，男士赤膊行走並無違法，亦不構成性騷擾。
圖片及資料來源：維景天地＠Facebook
同場加映：港島藍籌屋苑居民陪80歲母打太極被投訴: 連運動都唔俾，乜料啊？ 物管剖析「中產屋苑」與「堅豪宅」心理差別
