Threads爆紅！買牙膏送$1723贈品 迪士尼麻雀掀搶購潮 網民：牙膏公司貼錢衝銷量？
發佈時間：15:21 2026-10-02 HKT
近日，社交平台 Threads 上掀起一股意想不到的熱話，城中不少人為了一副麻雀，竟然跨區四出「撲牙膏」，甚至有人形容「啲牙膏可以掉咗佢」！
一田超市買6支牙膏送迪士尼麻雀 贈品總值$1723
事件源於連鎖超市「一田」推出的一項驚人優惠。根據宣傳海報，顧客凡購買6支指定品牌的舒適達牙膏，即可獲贈總值超過$1700的禮品，其中一份贈品更是「迪士尼家庭娛樂麻雀套裝」，瞬間引爆全城關注。
從網民分享的相片可見，該贈品除了麻雀套裝，還包括6罐可口可樂、兩份18包裝的紙手巾、LUX洗護套裝、DOVE沐浴乳及潔手液，禮品總值高達$1723.8。而購買6支牙膏的價錢僅約$300，即贈品價值是牙膏本身價格的5倍以上，難怪網民紛紛笑言：「300蚊麻雀都買唔到啦」、「牙膏公司貼錢衝銷量？」
Threads網民直擊 跨區瘋搶「史迪仔」
這個「買牙膏送麻雀」的奇景，迅速在 Threads 上「洗版」。一位網民興奮分享：「想講今日買6支牙膏（埋單$299）送嘅嗰副麻雀真心靚！真係好鬼可愛」，並附上精美的麻雀實物圖，引來大量網民「求地址」。
麻雀套裝的款式亦成為焦點，當中包括史迪仔（Stitch）、小熊維尼（Winnie the Pooh）及鋼牙與大鼻（Chip 'n' Dale）等角色，而「史迪仔」款更成為搶購大熱。有網民表示：「我一係Thread到見到已經即刻叫我媽咪幫我買，去到得返Winnie the Pooh同Chip & Dale」，更有人在二手拍賣平台Carousell上徵求交換。
這股搶購潮席捲全港各區分店，不少網民都「摸門釘」。Threads 上充斥著「Mikiki 已無曬」、「apm 乜都無」、「打去問話冇哂」等「戰況回報」。有心急的網民更表示：「仲諗住揸去大埔買」、「唔知啟德嗰啲會唔會容易買啲」，可見其受歡迎程度。
網民熱議：牙膏才是贈品？
面對如此誇張的優惠，不少網民都感到難以置信，甚至開玩笑說，牙膏才是真正的「贈品」。有人笑稱：「啲牙膏可以掉左佢」；也有網民笑問：「究竟係咪牙膏公司一直謀取暴利，依家良心發現，還富於民？」
更有網民分享，自己本身已擁有一副價值過千元的史迪仔麻雀，但見到超市贈品後，不禁感嘆「覺得呢副靚好多」。亦有主婦表示，本來對優惠不以為然，但當丈夫「八到」是送迪士尼麻雀後，「立即衝過去買返六支牙膏」，成功搶到心頭好，形容是「國慶禮物」。
截至目前，大部分分店的麻雀贈品已被搶購一空。有店員透露，部分分店或會補貨，但具體情況仍是未知之數。
圖片來源：dickson.lo、laichinggg08、hebe_chu、_bearwardrobe_、hoee_yuki、christineeeeee_wong、1934thy＠Threads
同場加映：全港首間「誠品動漫」進駐觀塘The ANGLE！逾千本熱門漫畫 發售Pokémon30週年限量卡牌 開幕符合1條件9折
