跑會阻街引熱議？網民怒轟無同理心「行人路當私家跑道」：同廣場舞大媽有咩分別？

更新時間：13:05 2026-09-29 HKT
發佈時間：13:05 2026-09-29 HKT

近年本港路跑風氣盛行，但部分跑手或跑會的行為亦不時引發爭議。有網民日前在社交平台發文，控訴近日在灣仔狹窄的行人路上，遇到一大班跑手集體衝過，不滿將公共空間視為私家跑道，強烈譴責相關行為「冇同理心」。事件隨即引發網民熱烈討論。

跑會集體霸佔狹窄行人路網民質疑缺乏同理心

事緣，有網民在社交平台 Threads 上發文，對有跑會或跑步群組在繁忙市區的行人路上集體跑步表示不滿，事主質疑：「香港人成日笑廣場舞大媽霸佔公共空間、騎劫寧靜環境自High，咁呢班跑步X又有咩分別？」指出該批跑手明知灣仔一帶的行人路空間十分狹窄，但「仲要一大班人一齊衝過去」，直接「將鬧市行人路當正自己私家跑道」。事主認為，這些跑手「為咗自己威、為咗打卡，要成條街嘅人就晒你哋」，直指「講到尾，都係冇同理心」。

網民斥：成班大遷徙咁

帖文引起網民熱烈討論，不少人同意事主：「喺灣仔有海旁唔跑走去跑市區」、「點會簡呢條路黎跑，要跑去海傍都搵條好啲嘅路線」、「道理同單車徑差唔多，行人路真係唔係比成班人跑」、「一係就去公園運動場，一係就夜啲等條街無咁多人啦」、「真係鍾意跑步嘅，點會揀人多灰塵又多嘅大馬路跑，呢班人想威想打卡想show身材show生活態度show自己有幾chill有幾與眾不同。」

有人分享類似不愉快經歷：「就算中環灣仔海濱，成日有啲跑會，成百幾二百跑友霸晒條路，成班大遷徙咁，用喇叭大聲播歌，嘈喧巴閉，其他途人跑友甚至要停低企埋一邊讓佢哋過晒先。啲跑會係咪應該限制下人數，同埋自律啲留返條路比其他人。仲有，咁大聲播歌，同喺車廂大聲睇片嗰啲人有咩分別？」、「有次落大雨喺維園橋底避雨，一大班跑步X登好大力踏落D大水氹度濺到避雨人士由頭濕到落腳成身濕哂，好多人喝止佢地但全部扮聽唔到！」亦有人指出「喺市區跑步都係要顧及其他道路使用者，但用廣埸大媽去相比就好牽強，廣場大媽何只係佔用公共空間，佢哋騷擾人嘅時間唔會係得嗰幾秒，仲要大大聲播住娘到爆啲歌。」

同時有過往參加者分享良好體驗，表示「N年前参加過一個跑步群組(唔係跑會)夜跑，30幾人，市區路線。主辦者就再三提醒，只係路跑，唔係鬥快，唔使衝，唔好平排跑，跑交通燈，以免影響其他行人同車輛交通，結果全部安全有序完成，冇被公審」。

來源：Threads

文：M