跑会阻街引热议？网民怒轰无同理心「行人路当私家跑道」：同广场舞大妈有咩分别？

更新时间：13:05 2026-09-29 HKT
发布时间：13:05 2026-09-29 HKT

近年本港路跑风气盛行，但部分跑手或跑会的行为亦不时引发争议。有网民日前在社交平台发文，控诉近日在湾仔狭窄的行人路上，遇到一大班跑手集体冲过，不满将公共空间视为私家跑道，强烈谴责相关行为「冇同理心」。事件随即引发网民热烈讨论。

跑会集体霸占狭窄行人路网民质疑缺乏同理心

事缘，有网民在社交平台 Threads 上发文，对有跑会或跑步群组在繁忙市区的行人路上集体跑步表示不满，事主质疑：「香港人成日笑广场舞大妈霸占公共空间、骑劫宁静环境自High，咁呢班跑步X又有咩分别？」指出该批跑手明知湾仔一带的行人路空间十分狭窄，但「仲要一大班人一齐冲过去」，直接「将闹市行人路当正自己私家跑道」。事主认为，这些跑手「为咗自己威、为咗打卡，要成条街嘅人就晒你哋」，直指「讲到尾，都系冇同理心」。

网民斥：成班大迁徙咁

帖文引起网民热烈讨论，不少人同意事主：「喺湾仔有海旁唔跑走去跑市区」、「点会简呢条路黎跑，要跑去海傍都揾条好啲嘅路线」、「道理同单车径差唔多，行人路真系唔系比成班人跑」、「一系就去公园运动场，一系就夜啲等条街无咁多人啦」、「真系钟意跑步嘅，点会拣人多灰尘又多嘅大马路跑，呢班人想威想打卡想show身材show生活态度show自己有几chill有几与众不同。」

有人分享类似不愉快经历：「就算中环湾仔海滨，成日有啲跑会，成百几二百跑友霸晒条路，成班大迁徙咁，用喇叭大声播歌，嘈喧巴闭，其他途人跑友甚至要停低企埋一边让佢哋过晒先。啲跑会系咪应该限制下人数，同埋自律啲留返条路比其他人。仲有，咁大声播歌，同喺车厢大声睇片𠮶啲人有咩分别？」、「有次落大雨喺维园桥底避雨，一大班跑步X登好大力踏落D大水氹度溅到避雨人士由头湿到落脚成身湿哂，好多人喝止佢地但全部扮听唔到！」亦有人指出「喺市区跑步都系要顾及其他道路使用者，但用广埸大妈去相比就好牵强，广场大妈何只系占用公共空间，佢哋骚扰人嘅时间唔会系得𠮶几秒，仲要大大声播住娘到爆啲歌。」

同时有过往参加者分享良好体验，表示「N年前参加过一个跑步群组(唔系跑会)夜跑，30几人，市区路线。主办者就再三提醒，只系路跑，唔系斗快，唔使冲，唔好平排跑，跑交通灯，以免影响其他行人同车辆交通，结果全部安全有序完成，冇被公审」。

来源：Threads

文：M