港夫婦月入$6萬欲移民赴英 盼換屋歐遊「做藍領都無所謂」 網民勸誡：唔好美化移民生活
發佈時間：12:59 2026-08-14 HKT
近年不少港人考慮移民外地以尋求不同的生活方式。近日，有自稱基層的網民發文向網民諮詢移民意見，指目前與伴侶月入$6萬，收入穩定，現正考慮移民英國曼徹斯特（Manchester），期望能夠有更好的生活環境，以及常到歐洲旅遊，坦言「做藍領都無所謂」，引起網民熱議。對此，不少網民提醒理想與現實大不同，勸誡：「唔好美化移民後生活。」
港夫婦月入$6萬欲移民赴英 盼換屋歐遊「做藍領都無所謂」
最近有網民在Threads發文，指自己與伴侶兩人均為大學畢業，現時月收入合共約6萬港元，並在港擁有物業，每月供款約$9,000。雖然生活無即時經濟壓力，且無子女需要供養，惟有見現時的居住單位「有啲細」，加上渴望有更舒適的生活及能「成日去歐洲玩」，因而萌生移民念頭。
事主表示，自己在香港並非從事辦公室工作的專業人士，因此心理上能接受「移民後做藍領都無所謂」，並透露心儀落腳點為曼徹斯特，希望到當地從事「重型車司機/巴士」，但坦言「唔知會唔會難揾工。」
網民勸誡：唔好美化移民生活
帖文發佈後，吸引不少網民留言討論，指出不應過度美化移民生活，留言勸誡：「好多人吹大咗英國生活……呢到搵工唔容易，翻工都唔容易，自己諗清楚」、「普通藍領得最低工資，專業技術藍領冇3,5,7年都未拎到牌……當你實際體驗到做得好辛苦都未有香港一半人工你就會好大打擊。」
亦有網民針對移英生活體驗及開支提醒：「兩個人一齊去做藍領扣晒生活成本，應該冇乜幾多錢俾你得閒就去吓歐洲其他城市玩」、「如果你喺香港過住普通嘅生活，你去到嗰邊都只能夠過更加普通嘅生活……你咁樣只係逃避」、「英國似簡單退休生活多啲，而且要預算多一點先可叫做有更好生活」。不過，也有部分網民給予折衷建議：「無咩經濟壓力，兩個人當體驗生活都可以，試過唔鍾意咪返香港」、「可以試吓搵英國啲二線城市市郊體驗吓先」。
有人則直言：「二人家庭6萬都叫基層？！只可話叫夾心階層啫。」事主後來亦在留言更正。至於對移民後的預期，事主回應網民時坦言：「更好嘅生活唔敢講，因為都聽過唔少人反映其實唔係太好」，但認為「因為想有更大嘅居住環境，同本身工作非白領專業人士，所以好似去邊返工都一樣」。事主最後亦表示會採納部分網民建議：「如果決定要移，會先過去感受吓，覺得合適先再將資產轉移。」
來源：Threads
延伸閱讀：由200呎公屋住到多倫多獨立屋！移加港人見識豪宅嘆舊居唔係人住 過來人反指「屋大係負擔」
